Ukraina haber siyaset nazirligi


Aprelniñ 17-de Ostrogta HSN-niñ "Kreml mabüsleri" leyhası çerçivesinde studentlernen körüşüvler keçecek

2019 senesi aprelniñ 17-de Ostrog şeerinde Ukraina haber siyaseti Naziriniñ mesleatçısı, Ukraina Qaramanı Volodımır Jemçugov ile körüşüvler keçirilecek. Bundan ğayrı, tedbirlerde Ukraina haber siyaseti Nazirliginiñ Devlet kâtibi Artem Bidenko iştirak etecek.

Körüşüv Ostrog vilâyetiniñ arbiy litsey-internatında keçecek. Tedbir saat 11:00-de, prospekt Nezalejnosti, 62 adresi boyunca başlanacaq.

Ondan ğayrı V.Jemçugov Ostrog şeeriniñ aliy professional oquv yurtu studentlerinen körüşecek. Bu körüşüv  Tatarska soqağı, 122A adresi boyunca saat 15:30-da başlanması beklenile.

Körüşüvler "açıq mikrofon" şeklinde keçecek — er bir talebe sual berip, muzakerede iştirak ete bilecek.

Tedbir vaqtında talebelerge HSN sımarışına UA|TV tış yayınlavı telekanalınen çıqarılğan "Kreml mabüsleri" degen vesiqalı film taqdim etilecek.

Körüşüvniñ soñunda iştirakçiler "Kreml mabüsleri" filminiñ tolu versiyası olğan diskler ve informatsion materiallar alacaq.

Volodımır Jemçugov — rusiye tecavuzına qarşılıq kösterüvniñ iştirakçisi. 2014 senesi mayısnıñ 3-de — Lugansk vilâyetinde rusiye işğaline qarşı areketniñ teşkilâtçısı ve faal iştirakçisi. 2015 senesi sentâbrniñ 29-dan 2016 senesi sentâbrniñ 17-nece "LNR" boyevikleriniñ esirinde bulundı. Esirlikke patlav neticesinde yaralanğanı sebebinden tüşti. Ukraina ve çetelde devlet ve göñülliler tedbirleriniñ faal iştirakçisi, hususan, mektep talebeleri, kursantlar ve arbiylernen bir sıra arbiy-patriotik lektsiyalar keçirdi.

[an error occurred while processing this directive]