Facebook Telegram Twitter Instagram YouTUBE


 

Baş saife  >  Derc  >  İlânlar  >  5 Çiçek ayı 2019, 18:04

9-11 aprelde HSN-niñ "Kreml mabüsleri" leyhası çerçivesinde Poltava studentlerinen körüşüvler keçecek

2019 senesi aprelniñ 9-11 künleri Poltava şeerinde yerli aliy oquv yurtlarında Ukraina haber siyaseti Naziriniñ mesleatçısı, Ukraina Qaramanı Volodımır Jemçugov ile körüşüvler keçirilecek. Bundan ğayrı, tedbirlerde Ukraina haber siyaseti Naziriniñ muavini Dmıtro Zolotuhin iştirak etecek.

Aprelniñ 9-da körüşüv Yaroslav Mudrıy adına Milliy adliye ünivesitetiniñ Poltava adliye institutında keçecek. Tedbir saat 13:00-te, Perşotravneviy prospekt, 14 adresi boyunca, 206 odada başlanacaq. Bundan evel, saat 12:00-de yerdi KHV içün matbuat konferentsiyası planlaştırıla (204 oda).

Aprelniñ 10-da Poltava devlet agrar akademiyasınıñ studentlerinen körüşüv olıp keçecek. Tedbir saat 11:00-de, Skovorodi, 1/3 adresi boyunca, 1-ci oquv korpusınıñ akt salonunda başlanacaq.

Aprelniñ 11-de V.G.Korolenko adına Poltava milliy pedagogika universitetiniñ studentlerinen körüşüv keçecek. Tedbir saat 10:00-da, Ostrogradskogo, 2 adresi boyunca, 1-ci oquv korpusınıñ 45-ci odasında başlanacaq.

Körüşüvler "açıq mikrofon" şeklinde keçecek — er bir talebe sual berip, muzakerede iştirak ete bilecek.

Tedbir vaqtında talebelerge HSN sımarışına UA|TV tış yayınlavı telekanalınen çıqarılğan "Kreml mabüsleri" degen vesiqalı film taqdim etilecek.

Körüşüvniñ soñunda iştirakçiler "Kreml mabüsleri" filminiñ tolu versiyası olğan diskler ve informatsion materiallar alacaq.

Volodımır Jemçugov — rusiye tecavuzına qarşılıq kösterüvniñ iştirakçisi. 2014 senesi mayısnıñ 3-de — Lugansk vilâyetinde rusiye işğaline qarşı areketniñ teşkilâtçısı ve faal iştirakçisi. 2015 senesi sentâbrniñ 29-dan 2016 senesi sentâbrniñ 17-nece "LNR" boyevikleriniñ esirinde bulundı. Esirlikke patlav neticesinde yaralanğanı sebebinden tüşti. Ukraina ve çetelde devlet ve göñülliler tedbirleriniñ faal iştirakçisi, hususan, mektep talebeleri, kursantlar ve arbiylernen bir sıra arbiy-patriotik lektsiyalar keçirdi.


Cedvel