Facebook Telegram Twitter Instagram YouTUBE


Baş saife  >  Derc  >  Haberler  >  20 Qış ayı 2017, 12:12

HSN: Kiyevde Ukraina aqqında “Dâkuyu” filminiñ temsil tedbiri ötkerildi

2017 senesi dekabrniñ 19-da “Baterflây Delüks” kinoteatrinde Ukraina haber siyaseti Nazirligi “Dâkuyu” degen bediiy-vesiqalı filmniñ temsil tedbirini ötkerdi.

Film dünyada Ukraina populârlaşması maqsadınen Ukrainada Yaponiya yılınıñ çerçivesinde çıqarıldı.

Ukraina haber siyaseti Naziri Yuriy Stets tefsir etti: “Ukrainada Yaponiya yılı soñuna kele, amma bu film, kelecek sene Ukrainada Yaponiya yılınen başlanacağını köstere. Filmde biz Ukrainanı yapon professorınıñ közünen açıqlaymız. O, Ukrainanı meraqlı, pozitiv, musafirçen olıp köre”.

Bundan ğayrı, o haber etkenine köre, HSN yapon tilinde “Dâkuyu” filminiñ versiyasını azırladı ve Ukrainada Yaponiyanıñ elçisi Sumi Şigekige yapon tilinde filmnen fleş-kartnı bağışladı.

 

Ukrainada Yaponiyanıñ Müteşşem ve Vekâletli elçisi Sumi Şigeki qoştı - bu sene Ukrainada çoq tedbirler keçirildi. Olar Elçiliknen ve başqa devlet organlarınen, hususan, Ukraina haber siyaseti Nazirliginen teşkil olundı. “Bugun bu film - Ukrainada Yaponiya Yılı çerçivesinde soñki tedbir, dekabrniñ 22-de ise saat 18-de Sofiya meydanında Yaponiya Elçiligi, yılnıñ soñuna bağışlap, şounıñ 3D-videomappingini keçirecek. Yapon ve ukrain medeniyetleriniñ birleştirmesi videonıñ esas mevzusı olacaq, ve o, şeyer sakinlerine ve musafirlerine taqdim etilecek”, - dedi Şigeki Sumi.

Elçi bey qoştı - bu film Tokioda kösterilmesini istey ve o, fleşkanı anda yollaycaq.

Hatırlatamız, eki taraflı işbirlik aktivizatsiyası, Ukraina ve Yaponiya arasında bağlar arttırılması maqsadınen, Ukraina Prezidenti Petro Poroşenkonıñ Qararına binayen 2017 senesi Ukrainada Yaponiya Yılı kibi ilân etildi. Böyleliknen, HSN Ukrainada Yaponiya elçiliginen beraberlikte cemiyetni bir sıra tedbirler aqqında haberdar etmege planlaştıralar. Bu tedbirler ise ukrainalılarğa Yaponiya medeniyeti, adetleri ve tarihınen tanış olmağa yardım etecekler.

Malümat olaraq: Film HSN sımarışına “Best Friends Film”nen çıqarıldı, rejisser Denis Yevstigeykin. HSN levhanı halqara festivallerde köstermege, dünyada ve Ukrainada diasporalar arasında tarqatmağa planşlaştıra. HSN-nıñ ve kreativ çekim gruppasınıñ maqsadı - dünyada Ukrainanı meraqlı, zengin, musafirçen, acayip manzaralı ve unutılmaycaq şeyerleri olğan memleket kibi köstermek.

 


Cedvel