Facebook Telegram Twitter Instagram YouTUBE


 

Baş saife  >  Derc  >  Brifing ve matbuat konferentsiyaları  >  18 Bozarğan ay 2015, 18:06

Sergey Köstinskiy: "İnformatsion siyaseti Nazirligi ATR telekanalınıñ çalışması içün güzel şaraitlerni qura"

İyünniñ 18 Ukraina İnformatsion siyaseti Nazirligi "Ükrinform" agentliginde "ATR Kiyevde işini ğayrıdan tikley. Ukrainanıñ birinci qırımtatar telekanalı Qırımnıñ baş mustaqil telekanalı olaraq qala"

 Tedbirde qırımtatar milliy Meclisniñ başı, Ukraina halq deputatı Refat Çubarov, "ATR Group"  media-holdinginiñ başı Lenur İslâmov, İnformatsion siyaseti Naziriniñ mesleatçısı Sergey Köstinskiy iştirak etti. 

Sergey Köstinskiyniñ sözlerine köre, İnformatsion siyaseti Nazirligi ATR telekanalınıñ işi ğayrıdan tiklenilmesi içün memuriy şaraitler qurula. "Biz qitaiy Ukraina i çeteelde ATR-ni baqmağa imkânlarnıñ doğrultuvı boyunca çalışamız. Biz telekanalnıñ siyaseti zapttan evel olğanı kibi qalmasınıñ tarafdarımız",- dep ayttı Nazir mesleatçısı.

 Refat Çubarov ise bildirdi ki, ATR telekanalı ve diger malümat vastalarınıñ qapatıluvı Rusiye akimiyeti tarafından alıp barılğan qırımtatarlarnıñ sıqıluvı siyasetidir.

 Media- holdingniñ saibi Lenur İslâmov devlet tarafından kanalğa qoltutuvı aqqında jurnalistlerniñ sualine böyle cevaplandı: "Bugün biz Kiyevde kanalnıñ işini ğayrıdan tiklegenimiz- devletniñ söz serbestligi mevamını tasdıqlay".

 Hususan, konferentsiya çerçivesinde Sergey Köstinskiy ATR telekanalınıñ işi ğayrıdan tiklenilgeni Ukraina içün bir sınav oldı.

 "Devlet o qadar qıyın vaqıtta söz serbestligi sınavını keçti. Biz cemiyetni ATR kibi unikal media-leyhasınıñ  serbest Ukrainada peyda olması ve aynı mında öz işini devam etmesinen hayırlay bilemiz",- dep ayttı mesleatçı.

 Hatırlatamız, Qırım yarımadasında ATR telekanalı qapatılğan soñ informatsion siyaseti Naziri Yuriy Stets kanalğa qoltutmaq ve ğayrıdan tiklemek içün bir sıra körüşüvlerni yaptı. Hususan, aprelniñ başında o qırımtatar milliy Meclisi reisi Refat Çubarovnen körüşip, qırımtatar kütleviy matbuat vastalarına devlet tarafından yardım olacağında emin etti.

 "ATR telekanalınıñ problemleri ve Qırımda söz serbestliginiñ bozuluvı- bu tek Ukraina degil, bütün dünya ögünde olğan meseledir. Biz birleşip qırımtatar kütleviy matbuat vastalarında çalışqan jurnalistlerge zenaat aqqını yerine ketirmege yardım etmek kerekmiz",- qayd etti Nazir.

 

 


Cedvel