Facebook Telegram Twitter Instagram YouTUBE


Baş saife  >  Derc  >  Haberler  >  10 Oraq ayı 2019, 12:07

HSN Donbassta Rusiyeniñ tecavuzı ve Qırım işğali aqqında ingliz tilinde bastırılğan kitaplarnı taqdim etti

2019 senesi iyülniñ 8-nde Ukraina tış işler Nazirliginde Ukraina haber siyaseti Nazirliginiñ destegi ile ingliz tilinde çıqarılğan kitaplarnıñ temsil tedbiri olıp ketçi.

"Er bir kitap bir timsaldir. Er bir kitapnıñ üzerinde bir çoq insan çalıştı, er biriniñ öz ikâyesi, közyaşları ve quvançı, cenk ve tınçlığı bar. Materiallar arasında em Ukrainanıñ dülberligini añlatqan ikâyeler bar, em de Donbassta Rusiyeniñ tecavuzını ve Qırım işğalini, aqiqiy cinayetlerni ve facialarnı köstergen kitaplar bar", - dep, ikâye etti Ukraina haber siyaseti Naziriniñ Birinci muavini Emine Ceppar.

Hususan, tedbirde, Mıkola Semenanıñ, Stanislar Aseyevniñ, Ölena Halimonnıñ, Anna Andrivskayanıñ ve Sergiy Zaharovnıñ kitapları taqdim etildi.

Temsil tedbiriniñ esas maqsadı — Ukraina, oñ qarşı Rusiye Federatsiyasınıñ silâlı tecavuzı, Rusiyede qanunsız tutulğan siyasiy mabüsler aqqında yanğlış olmağan, kerçek malümatnı bildirmek ve Ukraina tarihı içün müim olğan vaqialarnı doğru şekilde añlatmaq.


Cedvel