Facebook Telegram Twitter Instagram YouTUBE


Baş saife  >  Derc  >  Haberler  >  9 Oraq ayı 2019, 10:07

HSN: Ukraine NOW brendi Torontoda halqara konferentsiya vaqtında taqdim etildi

İyülniñ 2-4 künleri Torontoda (Kanada) Ukraina ilâatları meselelerinden üçünci Konferentsiya keçti.

Tedbir vaqtında HSN yanında Ukraina populârlaşması meselelerinden Komissiya işi çerçivesinde yaratılğan Ukraine NOW brendi ve memleketimizniñ turistik yerlerini yañı şekilde köstergen Ukraine 360 leyhası taqdim etildi.

Ukraina haber siyaseti Nazirliginiñ devlet kâtibi Artem Bidenko dezinformatsiyağa qarşılıq mevzusında muzakerelerde iştirak etti.

Özüniñ çıqışında, o, qayd etkenine köre, Ukrainanıñ dezinformatsiya saasında üç esas çağıruvı bar: media vastalarını feyklerni açıqlamağa ve dezinformatsiyanen küreşmege ögretmek; ükümetke ait olmağan teşkilâtlarnı qurmaq, ve eñ büyügi – feyk haberlerini tarqatqan haber vastalarını toqtatmaq.

A.Bidenko qayd etkenine köre, rusiyeliler tek Ukrainada degil de, bütün dünyada yañlış malümat tarqalması sistemasını qurdı.

Torontoda islâatlar meselelerinden üçünci konferentsiyağa yuqarı vazifelerni alğan siyasetçiler ve meşur halqara ekspertler qoşuldı. Tedbi musafirleri Ukrainada i şve yatırımcılıq imkânları aqqında daa çoq malümat ögrenip, Ukraine House platforması çerçivesinde krativ yönelişler mahsullarınen tanışa bildi.

Bundan evel keçirilgen eki konferentsiya 2017 senesi Londrada ve 2018 senesi Köpengagende keçti.


Cedvel