Facebook Telegram Twitter Instagram YouTUBE


Baş saife  >  Derc  >  Haberler  >  8 Oraq ayı 2019, 19:07

HSN Frenkistanda "Smaçnogo" filmini taqdim etti

2019 senesi iyunniñ 26-nda Parijde Ukraina medeniyinformatsion merkezinde Ukraina ve Frenkistan aqqında "Smaçnogo" ("Aş tatlı olsun") levhasınıñ temsil tedbiri olıp keçti.  Film Ukraina haber siyaseti Nazirliginiñ sımarışına çıqarılğan.

Bu, eki aşçı – ukrainalı Mıkola ve frenkistanlı Patrik aqqında ikâye. Olar Ukraina ve Frenkistannıñ yemeklerini birleştirip, yañı bir tadnı yarattılar.

"Smaçnogo" eki medeniyet, eki memleketniñ yemeklerini nasıl etip birleştirmek mümkün olğanını köstere. Meselâ, ukrainalı banoş yemegi "la banosh"qa çevirildi", - dey, Ukraina haber siyaseti Naziriniñ halqara kommunikatsiya meselelerinden mesleatçısı Marına Sobotük.

Onıñ qayd etkenine köre, levha dünyada Ukraina populârlaşması Kontseptsiyası çerçivesinde çıqarıldı.

"Lezzetli olsun. Mence, eñ yahşısı – bu levha kerçekten de, meraq doğura. Men bellesem, yemeklerimiz lezzetli, taze ve tabiiy olğanı pek yahşı kösterilgen. Ve bu, tamam bizge kelişken bir saa", - dep, paylaştı fikirlerinen Frenkistanda Ukrainanıñ Müteşşem ve Vekâletli Elçisi Oleg Şamşur.

Tedbirni ukrain ve frenk diplomatları, ukrain diasporasınıñ vekilleri, medeniyet erbapları ve sanatçıları ziyaret etti.

"Meraqlı tedbir. Em yemek adetlerini, em master-klasslarnı, em de böyle şekilde kösterilgen daa olmağan edi", - dedi Frenkistanda Ukraina elçiliginiñ medeniyet meselelerinden kâtibi İrena Karpa.

Film yaratılmasınıñ ğayesi HSN-ge ait, levha üzerinde Best Friends Film şirketi çalıştı.

Bu iş, keçken sene çıqarılğan bir yaponiyalı aqqında "Dâkuyu" filminiñ devamıdır.


Cedvel