Facebook Telegram Twitter Instagram YouTUBE


Baş saife  >  Derc  >  Haberler  >  8 Oraq ayı 2019, 12:07

Ukrainada Rusiye telekanalınen planlaştırılğan teleyayın boyunca HSN bildirmesi

Ukraina haber siyaseti Nazirligi Ukrainanıñ NewsOne kanalı ve tecavuzcı memleketniñ teşviqatçı kanalınen keçirecek telekopür keçirilmesini qabul etilmez dep tüşüne.

"Rossiya 1" telekanalı 2018 senesi mayısnıñ 14-nde çıqarılğan Prezidentniñ buyruğınen Ukrainada yasaq etildi. Tecavuzcı memleketniñ sanktsiyalar altında olğan taleradioyayınlayıcısınen telekopür keçirilmesi Ukraina qanunlarınıñ bozulmasıdır.

Rusiyeniñ teşviqatçı matbuat vastalarınen teleyayın Ukrainada vaziyet kerginleşmesine baqtırılğan Rusiye Federatsiyasınıñ informatsion operatsiyasıdır. Ve bu areket Ukrainanıñ milliy telükesizligi ve informatsion meydanı içün büyük havf doğura bile.

Bütün uyğun organlarına, hususan Televizion ve radiyayınlav meselelerinden Milliy Şura ve Ukraina telükesizlik hızmetine muracaat etip, kerekli sıñırlav tedbirlerini belgilemelerini ve Ukraina territoriyasında telekanallar yayınında yasaq etilgen kanallarnıñ peyda olmasına yol bermemege rica etemiz. Bundan ğayrı, NewsOne telekanalınıñ reberlerine areketleri içün ceza belgilemelerini isteymiz.

Bu şaraitte bütün vekâletli devlet organlarınıñ işke kirmesi lâzim. Olar Ukrainanıñ informatsion meydanında teşviqatnıñ tesir etmesine yol bermemeli. Böyle provokatsiyalarnıñ arttırılması ihtimalini közge alıp, HSN devletimizniñ informatsion havfsızlığı içün telüke peyda olması boyunca Ukraina milliy telükesizlik ve mudafaa Şurasının toplaşuvı keçirilmesi kerek dep sayamız.


Cedvel