Facebook Telegram Twitter Instagram YouTUBE


Baş saife  >  Derc  >  Haberler  >  3 Oraq ayı 2019, 12:07

HSN: Ekspertler informatsion telükelernen küreşte Facebook ağınıñ siyasetini muzakere etti

2019 senesi iyülniñ 2-nde "Ukrinform" haber agentliginde "Facebook nefret ya da dezinformatsiyağa qarşı effektivligi. Algoritmlerniñ açıqlığı ve qullanıcılarnıñ meraqları" mevzusında tögerek masa keçti. Tedbir Ukraina haber siyaseti Nazirligi ve "İnternyüz-Ukraina" cemaat teşkilâtınen keçirildi.

Tedbir vaqtında mediaekspertler, devlet mütehassısları ve grajdan cemiyetinni temsilcileri saylavlar vaqtında içtimaiy ağlarnıñ çalışması, dezinformatsiya ve melez cenknen küreşte tehnologik şirketlerniñ adımları ve nefret tilinen küreşte  Facebook ağınıñ siyasetini muzakere ettiler. Bundan ğayrı, mütehassıslar içtimaiy ağ qullanıcılarınıñ aqqları aqqında aytıp berdi, hususan, qullanıcılarnıñ ve devletniñ Facebook siyayetine tesir ete bilgenleri ve köntent silinmesi ya da blok etilmesi vaqtında areketler aqqında malümat berdiler.

Ukraina haber siyaseti Naziriniñ muavini Dmıtro Zolotuhin HSN-niñ  Facebook memuriyeti ile tecribesi aqqında aytıp berdi ve eñ büyük qıyınlıqlarnı qayd etti.

"Köntent boyunca içtimaiy ağnıñ eki esas problemi olğanını körem. Hususan, nefret tili ve dezinformatsiyağa ait olğanlar, yani köntent problemleri. Menim içün birinci mesele — Ukraina içün zarar ketirecek köntentnen bir şey yapılmay, yani o, ne de siline, ne de onı tarqatqan qullanıcılar cezalana. Ve ekinci büyük bir mesele — bizimce, sebepsiz cezalanğan ukrain qullanıcıları ve olarnen yerleştrilgen köntent. Meselâ, göñülliler ya da ukrain jurnalistleri", - dep qayd etti Nazir muavini.

Bundan ğayrı, D.Zolotuhin haber etkenine köre, ukrain tarafı bu ve başqa meselelerni içtimaiy ağnıñ temsilcilerinen, soñra ise Ukraina boyunca tayinlengen yañı  Policy Manager Katerına Kruknen muzakere etti.


Cedvel