Facebook Telegram Twitter Instagram YouTUBE


Baş saife  >  Derc  >  Haberler  >  2 Oraq ayı 2019, 10:07

HSN: Ekspertler Telegram ağınıñ yerini ve müimligini muzakere etti

2019 senesi iyunniñ 1-nde "Ükrinform" haber agentliginiñ matbuat merkezinde "Telegram: cemiyetnen kommunikatsiya aleti ya da saylavlardan evel idare etüv vastası?" degen tögerek masa keçti. Tedbir Ukraina haber siyaseti Nazirliginen teşkil olundı.

Ukraina haber siyaseti Naziriniñ muavini Dmıtro Zolotuhin  Telegram araştırmaları Ukrainada ne içün meraqlı ve faydalı olğanını aytıp berdi, bu platformanıñ populârlığı artmasınıñ esas sebeplerini qayd etti, anda tarqalğan anonim menbaalarnıñ malümatına muqayt olmağa çağırdı ve misal kösterip, Telegram bugün Rusiyede Ukrainağa qarşı informatsion cenkte nasıl etip işletilgenini kösterdi ve ukrain auditoriyasına şahsiy bilgiler berilmesiniñ kerekligini qayd etti.

Bunen beraberlikte, D.Zolotuhin, Telegram ve onıñ Rusiyege ait olması meselesinde nevbetteki fikirni seslendirdi: "Eger sen informatsion boşluqnı nezaret etseñ ve kün tertibini şekillendirmeseñ, seniñ yeriñe bunı başqası yapa". Tamam şu sebepten nazir muavini, Telegram platformasınıñ aletleri aqqında ve olarnıñ Rusiyenen nasıl etip işletilgeni aqqında bilgiler Rusiyeniñ Ukraina informatsion meydanında menfiy tesir köstermesine yol bermey ve saylav ketişatına qarışuv imkânlarını yoq ete.

Başqa ekspertler de tecribesinen paylaştı. Hususan, kommunikatsiya meselelerinden Association4U teşkilâtınıñ üyken mütehassısı Öleksiy Harçenko  Telegram platformasınıñ devlet müssiselerinde qullanıluv hususiyetlerine diqqat qayd etip, olarnıñ müsbet ve menfiy taraflarını tafsilâtlıca añlattı.

Dijital-kommunikatsiyalar ve internet-marketing mütehassısı Alyona Denga  Telegram işiniñ hususiyetleri, auditoriya celp etilmesi vastaları ve bu platformada siyasiy reklama tarqalması aqqında aytıp berdi.

"Tehnologii, media i öbşçestvo" Telegram-kanalınıñ müellifi Andriy Brodetskıy Telegram şekillenmesi, onıñ Ukrainada inkişaf etmesinde esas devirler ve esas telükeler aqqında laf yürsetti.

Eksperlerniñ firkrine köre, şimdilik esas telükeni Telegram degil de, ukraina mediasında tarqalğan anonim köntent taşiy. Tamam bu köntent Telengram-kanallarda da peyda ola ve olarnıñ çoqusı Rusiyenen ve Rusiye tarafdarlarınen nezaret etile.


Cedvel