Facebook Telegram Twitter Instagram YouTUBE


Baş saife  >  Derc  >  Haberler  >  2 Oraq ayı 2019, 09:07

İŞĞAL ETİLGEN TOPRAQLARDA YAYINLAV PROBLEMLERİ BOYUNCA HSN-nıñ RESMİY BİLDİRMESİ

Ukraina haber siyaseti Nazirligi Televizion ve radioyayınlav meselelerinden Ukraina Milliy şurasında çalışqan meslekdeşlerine muracaat etip, yaqın zamanda Milliy şura oturışuvını keçirmege ve qolaylaştırılğan sistema boyunca vaqtınca yayınlav ruhsetiniñ berilmesi boyunca meselelerni muzakere etmege teklif ete.

Televizion ve radioyayınlav meselelerinden Ukraina Milliy şurasınıñ işinde devamlı teneffüs sebebinden bir sıra tele- ve radioyayıncılar vaqtınca yayınlav içün ruhsetlerini devam ettirip olamay. Neticede, olar Donetsk-Lugansk vilâyetleri territoriyasında ve vaqtınca işğal etilgen Qırım sıñırında yayınlavını toqtatmağa mecbur olacaq. Bundan ğayrı, vaqtınca yayınlavğa yañı ruhsetler berilmesi blok etildi, bu sebepten serbest dalğalarda rusiye teşviqatı yayınlay.

Televizion ve radioyayınlav meselelerinden Ukraina Milliy şuranen nevbetteki oturışuvlar keçirilmesi ve bu problemlerniñ çezilmesi boyunca qararlar alınmasa, bu meseleler al etilmez.

Rusiye Federatsiyasınıñ informatsion tecavuzı şaraitinde stabil ukrain teleradioyayınlavı meselesiniñ çezilmesi, hususan, Donetsk-Lugansk vilâyetlerinve ve Herson vilâyetiniñ altı rayonlarında Ukraina informatsion telükesizliginiñ esas vazifesi ola.


Cedvel