Facebook Telegram Twitter Instagram YouTUBE


 

Baş saife  >  Derc  >  Haberler  >  26 Bozarğan ay 2019, 13:06

HSN: "Tvoya krayina fest" festivali Rusiye sıñırı yanında keçti

2019 senesi iyunniñ 25-nde Summı vilâyetiniñ Şostka şeerinde Ukraina haber siyaseti Nazirliginiñ destegi ile "Tvoya krayina fest" degen Ekinci bütünukrain muzıka festivali keçti.

Rusiye Federatsiyasınen sıñır yanında yerleşken şeerniñ sakinleri içün Foma ve "Mandrı" taqımı, "Druga Rika", Mariya Burmaka, Gypsy Lyre ve İvanka Çervinska yırlarını icra ettiler.

Kontsert "Tvoya krayina fest" er yıllıq festivali çerçivesinde dörtünci oldı.

"Yaşlar yırlarnı begense, olarnı internette tapıp, ezberlemege başlay. Biz ukrain yırlarını ve onen beraberlikte ukrain tilini populârlaştıramız", - dep, qayd etti Ukraina haber siyaseti Naziriniñ mesleatçısı Marına Sobotük.

İyunniñ 28-nde kontsert — Zaporijjâ vilâyetindeki Berdânskta, iyülniñ 1-nde — Herson vilâyetindeki Skadovskta, iyülniñ 4-nde — Odessa vilâyetiniñ Çornomorsk şeerinde keçecek.

Hatırlatamız, İyunniñ 15-nde "Tvoya krayina fest" Korostende, iyunniñ 19-nda — Çernigovda, iyunniñ 23-nde — Zakarpattâ vilâyetindeki Mukaçevoda keçti.


Cedvel