Facebook Telegram Twitter Instagram YouTUBE


 

Baş saife  >  Derc  >  Haberler  >  26 Bozarğan ay 2019, 13:06

D.Zolotuhin Brüsselde: Kibertelükelerni umumiy telükesizlik köntekstinden ayrı körmemek kerek

2019 senesi iyunniñ 25-nde Ukraina haber siyaseti Naziriniñ muavini Dmıtro Zolotuhin Brüsselde "Dijital perde artında. Grajdan cemiyeti devletnen desteklengen kiberucumlarğa qarşı" degen konferentsiyasında iştirak etti.

Kiberucumlarnen bağlı olğan uquqiy ve reputatsion telükeler aqqında muzakere vaqtında Nazir muavini qayd etkenine köre, zemaneviy telükelerniñ melez olması içün olarğa bir-de-bir uquqiy belgi bermege ya da ayrı bir saağa kirsetmege pek qıyın.

"Ukrainada şimdi, 2014 senesi kibi, cemaat yerleriniñ minalaştırılması aqqında feyk bildirmeler çoqlaşa. Malüm ki, böyle vaqialarnı kiberucum dep olamaymız, amma episi bu bildirmeler zemaneviy tehnologiyalar yardımınen yapıldı: smartfonlar, elektron poçta servisleri, messencerler ve ilâhre", - dedi o.

Bu misal, onıñ sözlerine köre, devletlerde vaziyetni kerginleştirmek içün işletilgen zemaneviy aletler daima bir qaç saa arasında bulunıp, keniş uquqiy ve reputatsion meselelerge ait olğanını köstere. Tamam onıñ içün, Zolotuhinniñ fikrine köre, kiberucumlarnı umumiy köntekstten ayrı baqmamaq kerek.

Bundan ğayrı, munaqaşa iştirakçileri, kibermeydanda Rusiye tarafından KHV ve ayrı insanlarğa yapılğan tesirini muzakere ettiler.

Qayd etemiz, konferentsiya  Promote Ukraine teşkilâtınen ve onıñ ortaqlarınen teşkil olundı. Tedbirniñ maqsadı — Kreml kiberucumlarınen küreşte Ukraina ve Avropa grajdan cemiyeti temsilcileriniñ işbirligini pekitmek.

Hatırlatamız, Ukraina haber siyaseti Nazirligi ve  Promote Ukraine devletke ait olmağan teşkilât Ukrainada informatsion cemiyet inkişafı saasında işbirlik ve milliy informatsion meydannıñ qoruvı saasında 2015 senesi avgust ayında añlaşma imzaladı.


Cedvel