Facebook Telegram Twitter Instagram YouTUBE


 

Baş saife  >  Derc  >  Haberler  >  20 Bozarğan ay 2019, 13:06

HSN: "Tvoya krayina fest" festivali Çernigovda keçti

2019 senesi iyunniñ 19-nda Çernigovda Ukraina haber siyaseti Nazirliginiñ destegi ile "Tvoya krayina fest" ukraina muzıkasınıñ ekinci festivali keçti.

Şeerniñ merkeziy parkında Foma ve "Mandrı" taqımı, "SKAY" ve "Gypsy Lyre" taqmıları, Mariya Burmaka ve İvanka Çervinska çıqışlar azırladı. 

"Bu — sıñır yanında yerleşken ve ukrain yırcıları pek az kelgen şeerlerde ukrain tili ve ukrain muzıkasınıñ populâştırmasıdır. Bu kontsertler bes-bedava, olar bizni daa çoq insan eşitmesine — zemaneviy ukrain muzıkasınen tanış olmasına, ukraina medeniyetine qoşulmasına ve özgünligini duymasına baqtırılğan", - dep beyan etti Ukraina haber siyaseti nazirliginiñ strategik kommunikatsiyalar sektorınıñ başlığı Öleksiy Tarabukin.

"Tvoya krayina fest" eki yıldan berli Ukraina haber siyaseti Nazirliginiñ destegi ile keçirile ve bu, Ukraina regionlarına informatsion destek yönelişlerinden biri.

İyunniñ 25-nde festival — Summı vilâyetindeki Şostkada keçecek, iyunniñ 28-nde Zaporijjâ vilâyetindeki Berdânskta, iyülniñ 1-nde — Herson vilâyetindeki Skadovskta, iyülniñ 4-nde — Odessa vilâyetiniñ Çornomorsk şeerinde.

Hatırlatamız, 2019 senesi iyunniñ 15-nde festival Jitomir  vilâyetindeki Korostende keçti.


Cedvel