Facebook Telegram Twitter Instagram YouTUBE


 

Baş saife  >  Derc  >  Haberler  >  18 Bozarğan ay 2019, 11:06

HSN: Korostende "Tvoya krayina fest" ekinci muzıka festivali başlandı

2019 senesi iyunninh 15-nde Jitomir vilâyetindeki Korostende Ukraina haber siyaseti Nazirliginiñ destegi ile "Tvoya krayina fest" ukraina muzıkasınıñ ekinci festivali başlandı.

Belorusiye yanındaki şeer sakinleri içün Foma ve Oksana Muha, em de "Mandrı", "SKAY" ve "Vasâ Klab" taqmıları çıqışlar azırladı. 

Kontsert bu seneliye "Tvoya krayina fest" festivaliniñ çerçivesinde birinci oldı.

"Til olmasa, devlet de yoq… Zemaneviy muzıka ise — bu, tilni insanlarğa yaqınlaştırmaq içün keyfiyetli bir alettir. Şeeriñizde körüşkence!", - dep, qayd etti Ukraina haber siyaseti Naziri Yuriy Stets.

İyunniñ 19-nda festival Çernigovde keçecek, 22-nde — Summıde, iyunniñ 25-nde — Summı vilâyetindeki Şostkada, iyunniñ 28-nde Zaporijjâ vilâyetindeki Berdânskta, iyülniñ 1-nde — Herson vilâyetindeki Skadovskta, iyülniñ 4-nde — Odessa vilâyetiniñ Çornomorsk şeerinde.

Festivalniñ esas maqsadı - sıñır yanında ya da uzaq şeerlerde yaşağan territorial toplulıqlarnıñ, çeşit yaşlı ve çeşit milletlerge ait olğan insanlarnı medeniy kommunikatsiyası vastasınen birleştirüv, muzıka vastasınen ukrain tiliniñ populârlaştıruvı ve ruhiy degerliklerniñ inkişaf ettirilmesi.


Cedvel