Facebook Telegram Twitter Instagram YouTUBE


 

Baş saife  >  Derc  >  Haberler  >  14 Bozarğan ay 2019, 11:06

HSN ilhaq etilgen topraqlar mevzusında keçirilgen tedbirler boyunca esabat berdi

2019 senesi iyunniñ 12-nde "Ükrinform" haber agentliginiñ matbuat merkezinde Ukraina haber siyaseti Naziriniñ Birinci muavini Emine Ceppar ilhaq etilgen topraqlar mevzusında Nazirliknen keçirilgen tedbirler boyunca esabat berdi.

Tedbirler arasınla halqara konferentsiyalar, körüşüvler, hatıra künleri ve ilhaq etilgen topraqlarğa bağışlanğan ingliz tilinde kitaplarnıñ ve materiallarnıñ neşir etilmesi.

Esas tedbirler arasında:

Fevralniñ 26-nda Qırımnıñ rusiye işğaline qarşılıq kösterüv kününe Sanat Arsenalında "Qırımnıñ acayip ikâyeleri" sergisi açıldı.

Fevralniñ 27-nde Kyivdeki Sanat Arsenalında "İlhaq etilgen Qırım: 5 yıllıq qarşılıq" halqara forumı keçti.

Martnıñ 5-nde Brüsselde (Belçika) Avropa Parlamentinde ilhaqnıñ 5 yıllığına bağışlanğan "Qırım. Hırsızlanğan yarımada" konferentsiyası keçti.Tedbir çerçivesinde aynı serlevalı vesiqalı film taqdim etildi. Bundan ğayrı, bir sıra eki taraflı körüşüvler ötkerildi. Olar arasında Avropa Parlamentiniñ deputatı A.Fotiga ve S.Kalniyete, Avropa ve Merkeziy Asiya meselelerinden Avropa Birliginiñ yönetici müdiri T.Mar-Harting ve İnstitutsionara bağlar, siyasiy koordinatsiya ve halq ögündeki diplomatiya müdiri S.Gonzato.

Martnıñ 11-nde E.Ceppar Ukrainanıñ Felemenkteki Pirson Müzeyine qarşı bergen davası işinde Appelâtsiya makemesiniñ oturışuvında iştirak etti.

Martnıñ 19-nda Vaşingtonda "Crimea after Five Years of Russian Occupation. The Threat to Global International Order" ("Beş yıllıq işğalden soñ Qırım. Halqara tertipke telüke") halqara forum keçti. Bundan ğayrı, ABD Devlet departamentiniñ Avropa matbuatı ve halqa ögündeki diplomatiya meselelerinden müdir Mark Ventvort ve onıñ zenaatdaşları Hanter Treseder ve Lilian Vahl-Tukonen ekitaraflı körüşüvler keçti.

Apreliniñ 5-nde E.Ceppar Brüsselde Public discussion: On the Road to Toronto – Ukraine’s Civil Society and Information Resilience Five Years After Maidan (Maydandan soñ ukrain cemiyeti ve informatsion qabiliyetler) muzakersinde iştirak etti.

2019 senesi aprelniñ 18-nde Taras Şevçenko adına KMU Halqara munasebetler institutında "Qırım informatsion meydanınıñ deokupatsiyası ve reintegratsiyası: Halqara-uquqiy ve mediakommunikativ aletler" adlı Halqara ilmiy-ameliy konferentsiya keçti.

Mayısnıñ 8-nde E.Ceppar ABD Devlet kâtibiniñ yardım muavini Corc Kent ile körüşti. Körüşüvde Ukraina meselelerinde ABD vekâletlisi Cözef Penning ve Ukrainada ABD Elçiliginiñ siyasiy bölüm diplomatı Anton Küper iştirak ettiler.

Mayısnıñ 18-nde "Ekspotsentr Ukrainı" Milliy kompleks territoriyasında "Hırsızlanğan Qırım" sanat leyhası ve 1944 senesi sürgünlik qurbanlarınıñ hatırasına bağışlanğan hatıra aqşamı keçirildi.

Mayısnıñ 21-nde E.Ceppar Anqarada qırımtatar halqı sürgünliginiñ 75-nci yıllığına bağışlanğan tedbirlerde iştirak etti.

Mayısnıñ 24-nde o, "İşğal etilgen Qırım: tış siyaseti ve siyasiy telükesizlik" konferentsiyasında Qırım haber reintegratsiyasınıñ Strategiyası nasıl etip ömürge keçirilgeni aqqında aytıp berdi,

İyunniñ 7-nde Poloniyadaki elçilerniñ Ukrainağa tanış etüv ziyareti vaqtında Qırım aqşamı keçti.


Cedvel