Facebook Telegram Twitter Instagram YouTUBE


Baş saife  >  Derc  >  Haberler  >  7 Bozarğan ay 2019, 16:06

HSN: Kyivde söz serbestligi ve media saanıñ inkişafı muzakere etildi

2019 senesi iyunniñ 6-nda “Ukrinform” haber agentliginiñ matbuat merkezinde “Ukrainada söz serbestligi: çağıruvlar ve çezilüv yolları” mevzusında tögerek masa keçti.

Tedbir iştirakçileri media saasında olğan esas çağıruvlar, qanuniy kontrol etüvniñ aktual meselelerini ve Ukrainada söz serbestligi vaziyetiniñ eyileşmesi içün aletlerni muzakere etip, devlet ve komunal matbuatnıñ islâatlandıruvını yekünledi.

“İnformatsion cenk devam ete. Daima aytqanımız kibi, bu cenk radiatsiya kibi - biz onı körmeymiz, amma o, er şeyni boza. Kögnitiv cenkniñ telükesini insanlar daa tam añlamay, çünki çoqusı allarda er kes kibertelükesizlikke diqqat çeke, yani bu añlamda”, - dep, qayd etti Ukraina haber siyaseti Naziriniñ Birinci muavini Emine Ceppar.

Amma ep bir informatsion cenki şaraitine baqmadan HSN matbuat vastalarına basqı köstergen  müessise olmadı, çünki eñ yahşı silâ - söz serbestligi ve aqiqat, dep qayd etti E.Ceppar.

Öz nevbetinde nazirlikniñ devlet kâtibi Artem Bilenko qayd etkenine köre, Ukraina jurnalistlerniñ qoruvı ve telükesizligi boyunca Avropa Şurasınıñ faal iştirakçisi ola.

“Söz serbestligi bozulmasına eñ tez cevap bergen beş memleket arasına kiremiz. Bugünki künde Ukrainada 47 meracaattan, 7-si çezildi, 39 muracaat boyunca yaqın zamanda cevap bekleymiz”, - dedi o.

Muzakerelerde Ukraina Yuqarı Radasınıñ söz serbestligi  ve informatsion siyaseti meselelerinden Komitet azaları, Ukraina Milliy politsiyasınıñ, Ukraina iç işler Nazirliginiñ, Ukraina televizion ve radioyayınlav devlet komitetiniñ, Ukraina Milliy cemaat yayınlavınıñ, Jurnalistler komitetiniñ, “Kutleviy informatsiya institutı” cemaat teşkilâtınıñ vekilleri ve grajdan cemiyetinen halqara teşkilâtlarnıñ temsilcileri iştirak etti.


Cedvel