Facebook Telegram Twitter Instagram YouTUBE


Baş saife  >  Derc  >  Haberler  >  5 Bozarğan ay 2019, 08:06

“Kreml mabüsleri”: HSN tasil leyhasınıñ neticeleri

2019 senesi iyunniñ 3-nde “Ukrinform” haber agentliginiñ matbuat merkezinde Ukraina haber siyaseti Nazirliginiñ “Kreml mabüsleri” degen tasil leyhasınıñ  neticeleri boyunca matbuat konferentsiyası ötkerildi. Leyha çerçivesinde Ukrainanıñ 9 regionunda studentlernen körüşüvler keçirildi.

“Nazirlik içün tasil leyhaları pek müim iş yönelişidir. Olar arasında “Kreml mabüsleri” degen leyha. Nazirlikniñ vekilleri Ukraina tasil yurtlarını ziyaret etip, vesiqalı filmni taqdim ettiler. Şahsen men içün er bir böyle ziyaret - vatanperverlik nasıl olmaq keregini köstergen ve añlatqan pek ciddiy bir tecribe”, - dep, qayd etti Ukraina haber siyaseti Nazirliginiñ Devlet kâtibi Artem Bidenko.

2018-2019 seneleri devamında Ukraina oquv yurtlarınıñ talebelerinen 37 körüşüv ötkerildi. Leyha çerçivesinde Mariupol, Odessa, Ostrog, Poltava, Rivne, Ternopil, Herson, Çerkası, Çernivtsi ve Kyiv şeerleri ziyaret etildi.

“Kreml mabüsleri” leyhanıñ koordinatorı Ölena Jemçugova qayd etkenine köre, leyhanıñ maqsadı - bir yerlerde Ukrainada barışıqlıq içün küreşken insanlarnıñ sayesinde yaşlarımız tınç yaşağanlarını ve raat-raat tasil alabilgenlerini köstermek.

“2013-2014 seneleri er şey başanğanda 16-17 yaşında olğan birinci kurs talebeleri ne ve ne içün olğanını tüşünmey edi. “Melez cenk”, “Kreml mabüsleri”, “mabüsler”, “vaqtınca kooçken şahıslar”, “tecavuz” - atta büyüklerge bazılarda añlaşılmağan terminler, onıñ içün yafşlarnen de bu aqta laf etmek kerek”, - dedi Ukraina Qaramanı Volodımır Jemçugov.

21-22 mayısta Çernivtsi studentlerinen, aprel 25-26 künleri - Çerkası, aprel 9-11 - Poltava, mart 27-28 - Rivne, mart 12-14 künleri - Mariupol studentlerinen körüşüvler keçti.

2018 senesi dekabrniñ 11-13 künleri körüşüvler Hersonda, noyabr 14-16 - Ternopilde, oktâbr 23-25 - Odessada keçti.


Cedvel