Facebook Telegram Twitter Instagram YouTUBE


Baş saife  >  Derc  >  Haberler  >  31 Qural ay 2019, 13:05

HSN: "1944" vesiqalı filmi Kyiv, Lviv ve Lutsk şeerlerinde taqdim etildi

Fresh Production studiyasınen çıqarılğan "1944" vesiqalı filmi 2019 senesi mayısnıñ 17-nde Kyivde taqdim etilgen soñ, levha Lviv ve Lutsk şeerlerinde taqdim etildi.

Kösterişler mayısnıñ 18-nde Luçk merkeziy kitaphanesinde ve Lvivdeki "Dzıga" art-merkezinde olıp keçti.

"Bu film — bu, Qırımnen birleşüv aktı. Er bir cinayetniñ yüzü bar olğanı ve er bir cinayet içün mesüliet olğanını hatırlatqan akt. Eminim, bu filmni körgen er kes, qırımtatarlar ne üçün Ukraina tarafdarları olğanını añlar", - dep, qayd etti Ukraina haber siyaseti Naziriniñ Birinci muavini Emine Ceppar.

Fatima Osman ve Yunus Paşanıñ filmi qırımtatar halqı sürgünliginiñ 75-nca yıllığına bağışlanğan. Filmde bu sürgünlikniñ şaatları olğan insanlarnıñ ikâyeleri kösterile. Olar sürgünlikniñ birinci künleri, "mal vagonları", sürgünlikten soñ birinci yıllar, biñlerce insanlarnıñ açlıqtan ve hastalıqlardan ölmesi, özleri de bu şaraitte nasıl sağ qalğanları aqqında hatırlavlarınen paylaşa. Sürgünlik neticesinde mecburen 191 044 qırımtatarı çıqarılda, olarnıñ 46% elâk oldı.

Filmniñ yaratıcıları 1944-cı senesiniñ deşeti aqqında aytıp bermek ve insanlarğa tarihnıñ ağırısını is ettirmek içün elinden kelgenini yaptılar.

“1944” filmi - evel belli olmağan şeylerni köstermek içün bir ıntıluv.

Er bir qırımtatarnıñ qorantasında olğan şahsiy ikâyeler, kelecek nesillerniñ hatırasında qalmalı.


Cedvel