Facebook Telegram Twitter Instagram YouTUBE


Baş saife  >  Derc  >  Haberler  >  30 Qural ay 2019, 11:05

E.Ceppar Media etc. 3.0 milliy mukâfatınıñ ğaliplerini eñ yahşı videoreportaj içün mukâfatlandırdı

2019 senesi mayısnıñ 28-nde Kyivde "Media etc. 3.0" Milliy mukâfatınıñ berilüv merasimi olıp keçti.

Ukraina haber siyaseti Naziriniñ Birinci muavini Emine Ceppar yarışnıñ iştirakçilerini hayırlar, "eñ yahşı videoreportaj" nominatsiyasında ğallip Tetâna Krıvenkonı taqdirledi. Tetâna Krıvenko "Gromadske" televizionunda "Netişinniñ kündeligi: monoşeerinde biznes nasıl çalışa?" levhasını azırlağan.

"Er şeyge "kiçik diqqat" ayırılğan dünyada ağır mevzular aqqında yazmaq, mesel, iqtisadiyat, bergi, islâatlar — bu, profesional çağıruv. Zenaat, etika ve standartlar, qıyın mevzular aqqında sade tilnen yazmaq qabiliyet — jurnalistniñ şahsiy çağıruvı. Ğaliplerniñ episi işleri aveslendire", - dep, qayd etti o.

Bundan ğayrı, E.Ceppar nominantlar — "Azatlıq Radiosında" çalışqan Katerına Kaplükqa ve "24" telekanalında çalışqan Farid Şarafmalğa ayrı diplomtlar tuttırdı.

Umumen yarışta çeşit nominatsiyalarda işlerini bütün Ukrainadan 115 jurnalist taqdim etti.

Media etc. 3.0 — matbuat vastalarında Ukraina iqtisadiyatınıñ islâatlandıruv ketişatını açıqlağan media hadimler, iqtisadiy saanıñ ekspertleri, jurnalistler ve analitikler içün mukâfat.


Cedvel