Facebook Telegram Twitter Instagram YouTUBE


 

Baş saife  >  Derc  >  Haberler  >  28 Qural ay 2019, 14:05

HSN: Tınç toplaşuvlar vaqtında uquqimayeciler ve jurnalistlerniñ işbirligi effektivliginden trening keçti

2019 senesi mayısnıñ 28-nde "Ükrinform" haber agentliginiñ art-habında "Tınç toplaşuvlar vaqtında uquqimayeciler ve jurnalistlerniñ effektiv işbirligi" mevzusında ameliy trening olıp keçti.

Tedbir vaqtında ekspertler uquqimayeciler ve jurnalistler arasında effektiv kommunikatsiya praktikaları, jurnalistler belgilenmesiniñ aletleri ve olarğa telükesizlik teminlenilmesi, saylav vaqtında uquqimayeciler ve jurnalistler işbirliginiñ hususiyetlerinen paylaştı.

Trening iştirakçilerini hayırlap, Ukraina haber siyaseti Naziriniñ Birinci muavini Emine Ceppar qayd etti: "Ukraina içün söz serbestligini degerlik olaraq saqlamaq pek müim. Tınç toplaşuvlar ve insannıñ esas aqqları yanımızdadır, ve onıñ içün uquqimaye organları ve jurnalistler arasında tamam effektiv işbirlik bu yönelişte pek kerekli. Hususan, bu mesele Ukrainada demokratik deñişmeler, ve, hususan, saylav ketişatı vaqtında pek müimdir. Uquqimaye organları ve jurnalistler arasında açıq ve effektiv dialog söz serbestligi ve tınç toplaşuvlar aqqlarınıñ ömürge keçirilmesi yönelişinde Ukrainada avropalılıqnı belgiley".

Bundan ğayrı, onıñ qayd etkenine köre, Ukraina haber siyaseti Naziriligi içün  jurnalistlerniñ faaliyetini qoruv esas vazifelerdendir. Hususan, Jurnalistlerniñ qoruvı ve telükesizligi içün Avropa Şurasınıñ Platforması faaliyetiniñ çerçivesinde küç strukturalarınen işbirlike yapılğan iş.

Tedbirde Avropa Şurası Ofisiniñ Başlığı Morten Enberg, Frenkistan politsiyasınıñ komissarı ve Avropa Şurasınıñ konsultantı Jan-Klod Vülyerm, "Kütleviy informatsiya" institutınıñ ekspertleri ve "İnsan aqqlarınıñ poatforması" cemaat teşkilâtı.

Trening Ukraina haber siyaseti Nazirligi, Avropa Şurasınıñ "Ukrainada media serbestliginiñ ve informatsiyağa irişimniñ pekitilmesi ve Cemaat yayınlavı sistemasınıñ quvetleşmesi" leyhası, "Kütleviy informatsiya" cemaat teşkilâtı ve Ukraina milliy politsiyasınıñ destegi ile keçti.


Cedvel