Facebook Telegram Twitter Instagram YouTUBE


 

Baş saife  >  Derc  >  Haberler  >  28 Qural ay 2019, 13:05

HSN: Ekspertler dezinformatsiyağa qarşı qanun yaratılmasınıñ perspektivalarını muzakere ettiler

2019 senesi 28-nde "Ükrinform" haber agentliginiñ matbuat hızmetinde "Onlaynda söz serbestligi ve dezinformatsiyanen küreşniñ perspektivaları" adlı tögerek masa keçti. Tedbir Ukrayina haber stâseti Nazirligi ve "İnternyüz-Ukrayina" cemaat teşkilâtınıñ yardımınen teşkil olundı.

Ukrayna haber siyaseti Naziriniñ muavini Dmıtro Zolotuhin internet-KHV regulirlemesi kirsetilmesinden Ukrayina-Frenkistan munaqaşalarınıñ neticeleri boyunca esabatnı taqdim etti. Nazir muaviniñ qayd etkenine köre, Frenkistanda feyklerge qarşılıq boyunca qanunnıñ kirsetilmesi büyük tendentsiyalarğa uyğun kele: "KHV, ve hususan onlayn media vastalarınıñ regulirlemesi mıtlaq kerek olğanını ileriletecek trend kerek. Bunen er kes razı". Amma, D.Zolotuhinniñ sözlerine köre,  böyle qanun regulirleviniñ ketişatı cemaatçılıq ve ekspertler müitiniñ fikrine esaslanmalı.

Öz nevbetinde, "İnternyüz-Ukrayina" cemaat teşkilâtınıñ yañı media programmalarınıñ reberi Vitaliy Moroz internet serbestligi boyunca munaqaşalar baqışından frenk qanunınıñ mündericesini añlattı. Onıñ sözlerine köre, Ukrayinada onlayn KHV regulirlemesi boyunca munaqaşalar çoqtan berli devam ete: "2018 senesi yanvarniñ 15-nde Petro Poroşenkonıñ Blokı dezinformatsiya boyunca qanun leyhasınıñ işlep çıqarılmasınıñ teşebbüsçisi oldı. 2018 senesi fevralniñ 28-nde tematik parlament diñlevleri keçti, anda cemaat toplulığınıñ bir çoq temsilcileri iştirak etti".  V.Moroznıñ qayd etkenine köre, daa o vaqıtları açıq grajdan noqta-i-nazarı, nasıl dezinformatsiya içün devlet kirişmesi kerek olğanını-olmağanını, qayda ise KHV öz regulirlevi kerek olğanını belgilendi.

Frenkistannıñ tecribesine köre, media-ekspertler, ükümet t mütehassısları ya da grajdan cemiyetiniñ temsilcileri böyle qanun Ukrainada mümkün olğanını ya da olmağanını, nasıl telükeler kösterebilecegini, ve aslında Ukraina internet-media alanında böyle şeylerniñ aktualligini muzakere ettiler.

İştirakçiler, frenk qanunınıñ maddeleri tolusınen Ukraina amelge keçirilmez degen qararğa keldiler.

Qayd etemiz, KHV, hususan internet-media regulivlevi kerekligini añlağan memleketlerniñ sayısı kün-künden arta. Keçken sene noyabr ayında Frenkistannıñ milliy qurultayı informatsiyanen idare etüvge qarşılıq kösterüv aqqında qanun çıqardı. Oña KHV-da feyklerge qarşı qanun dep aytalar. Bu sene ukrain ükümet delegatsiyası, onıñ başında ise Ukraina haber siyaseti Naziriniñ muavini Dmıtro Zolotuhin frenk parlamentiniñ azalarınen ve qanunğa alâqası olğan başqa devlet müessiseleriniñ vekillerinen munaqaşalar keçirdi.


Cedvel