Facebook Telegram Twitter Instagram YouTUBE


 

Baş saife  >  Derc  >  Haberler  >  26 Qural ay 2019, 10:05

HSN: "Dâkuyu" filmi ArtTravel International Film Festival`de Gran-pri qazandı

Ukraina haber siyaseti Nazirliginiñ sımarışına yaratılğan "Dâkuyu" qısqametrolı film Harkivde ArtTravel International Film Festival`de Gran-priqazandı.

 

Bundan ğayrı, "Dâkuyu"  road movie degen mahsus premiyada birincilikni aldı. Umumen yarışta 100 memleketten kelgen 1200-den ziyade iş iştirak etti.

Kinofestival çerçivesinde "Dâkuyu" filminiñ devamı olğan "Smaçnogo" filmi kösterildi.

"Memleketlerni sanat yardımınen birleştirmek isteymiz. "Dâkuyu"da — turizm vastasınen Ukrainanen Yaponiyanı, "Smayanogo"da — yemekler vastasınen Ukrainanen Frenkistannı. Anda eki memleketniñ aşları şedevrler doğurğanı kösterile", - dep ikâye etti Ukraina haber siyaseti Naziriniñ halqara kommunikatsiya meselelerinden mesleatçısv Marına Sobotük.

"Smaçnogo" filminiñ temsil tedbiri bu sene iyül ayına planlaştırıla. "Dâkuyu" ve "Smaçnogo levhaları" HSN sımarışına Best Friends Film tarafından çıqarıldı.

Hatırlatamız, 2018 senesi oktâbr ayında "Dâkuyu" filmi Hırvatistannıñ Zagreb şeerinde “Zagreb Tourfilm Festival” kinofestivalinde “Special awards” mahsus mukâfatqa nail olundı.

Bundan evel, "Dâkuyu" qısqametrolı filmi Latviyadaki Rigada "Tourfilm Riga 2018" 11-ci turistik filmler Halqara festivalinde "Turistik yöneliş — Region" nominatsiyasında ekinci yerni aldı. Aprel ayında "Dâkuyu" Romaniyada er aylıq "Short to the point" halqara festivalinde "eñ yahşı montaj" nominatsiyasında ğalebe qazandı.

Dâkuyu" filmi Ukrainanı Yaponiya turistiniñ közünen meraqlı, musafirçen, özgün memleket kibi köre.


Cedvel