Facebook Telegram Twitter Instagram YouTUBE


 

Baş saife  >  Derc  >  Haberler  >  23 Qural ay 2019, 14:05

HSN tasil leyhaları: Çernivtsi aliy oquv yurtlarınıñ studentlerinen körüşüvler

2019 senesi  mayısnıñ 21-22 künleri Çernivtsi vilâyetinde yerli aliy oquv yurtlarınıñ studentler Ukraina haber siyaset Naziriniñ mesleatçısı, Ukraina Qaramanı Volodımır Jemçugov ve Ukraina haber siyaseti Nazirliginiñ devlet kâtibi Artem Bidenko ile körüştiler.

Tedbirler HSN-nen teşebbüs etilgen ve yaşlarnıñ milliy-patriotik terbiyelevine baqtırılğan "Kreml mabüsleri" degen tasil leyhası çerçivesinde keçti.

"Şimdi leyhalarnı kenişletmek, yaşlarnen bağ qurmağa kerek olğanını, ordumız tek Ukrainanı degil de, bütün Avropanı tecavuzcıdan qorçalağanını köremiz. Bu cenk nasıl keçkenini, anda neler olğanını tarif etmek kerek, ve biz bunı yapmaq içün elimizden kelgenini yapmalımız", - dep qayd etti HSN devlet kâtibi.

Mayısnıñ 21-nde V.Jemçugov ve A.Bidenko Çernivtsi devlet vilâyet memuriyeti esasında keçken matbuat konferentsiyasında iştirak etti. Bundan ğayrı, bu künü olar Yuriy Fedkovıç adına Çernivtsi milliy universitetiniñ studentlerinen körüşip, subet keçirdiler.

Mayısnıñ 22-nde Kyiv milliy-ticariy universitetiniñ Çernivtsi ticariy-iqtisaliy institutı ve Bukovına devlet tibbiy universitetiniñ studentlerinen körüşüv keçti.

"Rusiyeniñ Ukrainağa qarşı tecavuzı sebebinden ukrain ordusı quvetleşkenini, ukrain halqı birleşkenini, göñülliler areketi başlanğanın añlamaq kerekmiz. Ukraina ve ukrainalılarnı halqara meydanda tanımağa başladılar", - dedi V.Jmeçugov studntlerge.

Tedbirler vaqtında talebelerge HSN sımarışına UA|TV tış yayınlavı telekanalınen çıqarılğan "Kreml mabüsleri" degen vesiqalı film taqdim etildi.

Körüşüvlerniñ soñunda iştirakçiler "Kreml mabüsleri" filminiñ tolu versiyası olğan diskler ve informatsion materiallar aldı.


Cedvel