Facebook Telegram Twitter Instagram YouTUBE


 

Baş saife  >  Derc  >  Haberler  >  14 Qural ay 2019, 12:05

HSN Mıkola Semenanı doğğan kününen hayırlay

Ukraina haber siyaseti Nazirligi ilhaq etilgen Qırımda qanunsız maküm etilgen belli ukrain jurnalisti Mıkola Semenanı 69-cı doğğan kününen hayırlay.

"Sayğılı Mıkola bey, bu künü adetince Sizge sayğımnı kösterip, qaviy sağlıq, küç ve Qırımnıñ işğalci ve cinayetçi akimiyetinen küreşte quvet tilemege isteyim. Mıtlaqa yeñecekmiz, Qırım Ukrainağa qaytacaq, ve siz kene de öz işiñizni - kerçekni yazmaqnı devam eteceksiñiz", - dep qayd etti Ukraina haber siyaseti Naziri Yuriy Stets özüniñ hayırlavında.

Hatırltamız, 2017 senesi sentâbrniñ 22-de, Kreml nezaretindeki Aqmescitniñ Demiryol mahkemesi, "Azatlıq Radiosı" ve "Qırım.Aqiqat" hızmetleriniñ müellifi M.Semenağa üküm çıqardı. O vaqıt jurnalistke eki buçuq yıl ve üç yıl şartlı müddet tayin etildi. Bundan ğayrı, oña halq ögündeki faaliyet yasaqlandı. Bundan soñ mahkeme qoşma ceza qısmında jurnalistniñ ükümini yımşattı — halq ögündeki faaliyetke yasaqnı üç yıldan eki yılğace qısqarttı.

2017 senesi dekabrniñ 21-de Qırım evinde M.Semenanıñ "Qırım reportajı" degen kitabı taqdim etildi. Kitap Ukraina haber siyaseti Nazirliginiñ destegi ile neşir etildi. Keçken seneniñ soñunda kitap ingliz tiline tercime etildi.


Cedvel