Facebook Telegram Twitter Instagram YouTUBE


Baş saife  >  Derc  >  Haberler  >  13 Qural ay 2019, 12:05

HSN: Kyivde G.Bekirovanıñ “Mustafa. Liderniñ yolu” kitabı taqdim etildi

2019 senesi mayısnıñ 12-nde Kyivde Gülnara Bekirovanıñ “Mustafa. Liderniñ yolu” degen kitap taqdim etildi. Kitap Ukraina haber siyaseti Nazirliginiñ destegi ile bastırılğan. Merasim 1944 senesi qırımtatar halqı sürgünligi qurbanlarınıñ hatırasını añuv tedbirleri çerçivesinde keçti. 

“Mustafa Cemilevniñ yolu aqqında kitap - bu, aman-aman Qırım küreşiniñ tarifidir. 1944 senesi sürgünliginden soñ qırımtatarlar Qırımğa milliy areketi ve küreşi sayesinde qaytta. Şİmdi de öyle, Qırım özü qaytmaz, onı qazanmaq kerekmiz. Bu kitapnı oquğand, bu añlaşıla” HSN tamam bu sebepten kitapnıñ derc etilmesine qol tuttı”, - dep, qayd etti Ukraina haber siyaseti Naziriniñ Birinci muavini Emine Ceppar.

Kitapnıñ müellifi G.Bekirovanıñ qayd etkenine köre, Mustafa Cemilev qırımtatar halqı boysunmamazlığınıñ kerçek timsalidir.

“O, sürgünlikten, deşetli yıllırdan keçti, soñra ise cesaret ile qırımtatarlarnıñ vatanına qaytması içün küreşti. Bugün Mustafa ağa demokratik Ukrainanıñ büyük misali ve timsali ola. O, - halqınıñ lideri olaraq, Vatanı - Qırımnıñ azat etilmesi içün küreşe”, - dedi o.

Tedbir çerçivesinde sürgünlik qurbanlarınıñ hatırasına vezemaneviy qırımtatar siyasiy mabüslerniñ ailelerine bağışlanğan sergiler, qırımtatar timsallerinen suvenirlerniñ ve bala resimleriniñ yarmalığı ötkerildi. Cıyılğan paralar siyasiy mabüslerniñ ailelerine yollanılacaq.


Cedvel