Facebook Telegram Twitter Instagram YouTUBE


Baş saife  >  Derc  >  Haberler  >  11 Qural ay 2019, 10:05

E.Ceppar AQŞ devlet kâtibi yardımcısınıñ muavini G.Kentnen körüşti

2019 senesi mayısnıñ 8-nde Ukraina haber siyaseti Nazirinni Birinci muavini Emine Ceppar AQŞ Devlet kâtibi yardımcısınıñ muavini George Kent ile körüşüv keçirdi.

Körüşüvde, olardan ğayrı, Ukrainada AQŞ meselelerinden Vaqtınca Vekâletli Joseph Pennington ve Ukrainada AQŞ Elçiliginiñ siyasiy bölük diplomatı Anton Küper iştirak ettiler.

Körüşüv vaqtında taraflar Ukrainada prezident saylavlarından soñ vaqtınca ilhaq etilgen Qırım ve Donbass topraqlarına dair siyasetini muzakere ettiler.

E.Ceppar qayd etkenine köre, Ukrainada prezident saylavlarından soñ ve parlament saylavlarınıñ arfesinde AQŞ-nıñ siyasiy ve iqtisadiy alanlarda destegi em ukrain halqı, em de Ukraina Ükümeti içün pek müim.

Bundan ğayrı, taraflar Ukraina Şarqında yaşağan ukrainlerge rus pasportları berilmesiniñ qolaylaştırılmasına dair qararnı ve ondan dolayı şekillengen vaziyetni muzakere ettiler. Çünki böyle areketler nevbetteki kere halqara qanunlarğa zıt kelip, Ukraina topraq bütünligini boza.

E.Ceppar amerika meslekdeşlerine Rusiyege qarşı siyaseti ve sanktsiyalarnı devam ettirlenleri içün teşekkür bildirdi.

Hususan, 2019 senesi aprelniñ 24-nde Devlet departamentiniñ matbuat kâtibi Morgan Ortagusnıñ ukrainalılarğa rusiye vatandaşlığını berüv boyunca matbuat içün  bildirmesinde qayd etilgenine köre, prezident Putinniñ qararı Minsk añlaşmalarınnı becerilmesi ve Donbassnıñ reintegratsiyası içün büyük mania yarata. Rusiyenen imzalanğan Minsk añlaşmaları Ukraina Şarqında ukrain devletiniñ kontroli yañartılmasına çağıra.


Cedvel