Facebook Telegram Twitter Instagram YouTUBE


Baş saife  >  Derc  >  Haberler  >  3 Qural ay 2019, 11:05

HSN: A.Bidenko İsveçrede Ukraine NOW brendini taqdim etti

2019 senesi mayıs 2-3 künleri İsveçredeki Stokgolmde "Davalar vaqtında halq ögündeki diplomati: Skandinav, Baltik ve Şarhiy Aropa perspektivleri" (“Public Diplomacy in Conflict: Nordic, Baltic and East European Perspectives”) mevzusında halqara konferentsiya keçe. Konferentsiya siyasiy davalar vaqtında memeleketler yeriniñ muzakere etilmesine ve arbiy tecavuz şaraitinde iqtisadiyatlar inkişafı stsenariylerniñ baqılmasına bağışlanğan.

Tedbirde Ukraina haber siyaseti Nazirliginiñ devlet kâtibi Artem Bidenko iştirak etti. O, "Davalar vaqtında brending" degen birinci panel konferentsiyası vaqtında munaqaşalarnıñ iştirakçilerine Ukrainanıñ yekâne brendi Ukraine NOW ve Ukraina ögünde turğan çağıruvlar aqqında aytıp berdi.

"Ukraina qıyın bir çağıruv ögünde qaldı — halq ögündeki dilomatiya çerçivesinde Rusiyenen cenk vaziyeti ve Avropanı tecavuzcıdan qorçalağan küçlü ordunı birleştirmek. Ve aynı zamanda — islâatları olğan ve insan aqqları eñ yüksek seviyede becerilgen telükesiz memleketni köstermek. Ükümet bugünki künde bu kommunikativ platformalarnı ömürge keçirip, Ukrainada islâatlarını ilerilete", - dep, qayd etti özüniñ esabatında devlet kâtibi.

Bundan ğayrı, panel çerçivesinde munaqaşa iştirakçileri içtimay, etnik ve arbiy davalarnıñ brending ameliyatına, kommunikatsiyalarğa ve halqa ögündeki diplomatiyağa olğan tesirini muzakere etip, halqara davalarda devlet brendinginen imiciniñ yerini ve bu davalarda KHV rolüni talil ettiler.

Konferentsiyanı  Baltiya ve Şarqiy Avropa araştırmaları Merkezi (CBEES), NordForsk ve ReNEW destegi ile Sodertern Universiteti ve  İsveçre İnstitutı tarafından teşkil olundı.

Hatırlatamız, 2018 senesi mayısnıñ 10-nda Ükümet Ukrainanıñ Ukraine NOW brendini qabul etti. Brend Ukraina haber siyaseti Nazirligi yanında Ukraina populârlaşması meselelerinden Komissiya işi çerçivesinde Banda agentligi tarafından işlep çıqarıldı.


Cedvel