Facebook Telegram Twitter Instagram YouTUBE


Baş saife  >  Derc  >  Haberler  >  22 Çiçek ayı 2019, 14:04

HSN Studentler Şurasі 2019 senesi içün leyhalarnı muzakere etti

2019 senesi aprelniñ 20-nde "Ürinform" haber agentliginiñ art-habında Ukraina haber siyaseti Nazirligi yanındaki Studentler Şurasınıñ toplaşuvı keçti.

Studentler ögünde HSN devlet kâtibi Artem Bidenko çıqışnen bulundı. O, Studşura azalarına  Ukraine NOW brendiniñ ileriletilmesi ve inkişaf etilmesine qoşulmağa teklif etti. "Keliñiz bu sene beraberlikte  Ukrainanıñ brendini kreativ ğayelernen  inkişaf ettireyik", - dep, muracaat etti devlet kâtibi.

Ukraina haber siyaseti Naziriniñ mesleatçısı Marına Sobotük bu sene HSN-nen regionlarda keçirilecek yaşlar içün tedbirlerni taqdim etti. "Studentler içün Nazirlik üç regionda "Tiller marketini" teşkil ete. Başta Çernigiv, Çernivtsi ve Ujgorodnı planlaştıramız", - dedi o.

Öz nevbetinde studentler öz leyhalarını taqdim etti: Harkivden kelgen Vlad Berezovskıy - "Interview era" leyhasını taqdim etti. Bu leyha siyasetçiler ve belli şahıslarnen intervyü keçirilmesini közde tuta. Ostrogtan Vasıl Stupak tarihiy faktlar esasında buhranğa qarşı kommunikatsiyalar leyhasını: Harkivli Sofiya Rudanetska ise devlet qurulışında iştirak etmege istegen yaşlarnıñ stajlavı içün "siyasiy yaşlar klubını" taqdim etti.

Hatırlatamız, 2018 senesi noyabrniñ 24-nde HSN Yaşlar Şurasınıñ körüşüvi olıp keçti. Anda studentler 2018 senesi amelge keçirilgen leyhalar aqqında esabat berip, 2019 senesine planlarını muzakere etti.


Cedvel