Facebook Telegram Twitter Instagram YouTUBE


Baş saife  >  Derc  >  Haberler  >  22 Çiçek ayı 2019, 10:04

HSN: Kiyevde "Qırım. Hırsızlanğan yarımada" vesiqalı filminiñ kösterişi keçti

2019 senesi aprelniñ 19-nde Taras Şevçenko adına Kiyev Milliy Universitetiniñ Halqara munasebetler institutı binasında "Qırım. Hırsızlanğan yarımada" degen vesiqalı film kösterildi. Film Ukraina haber siyaseti Nazirliginiñ destegi ile Qırım işğaliniñ 5 yıllığına çıqarılğan.

Levha hronologik tertipte Maydanda kütleviy atışlardan başlap Qırım işğalinece yüz bergen vaqialarnı tasvirley.

Kösterişte Ukraina haber siyaseti Naziriniñ Birinci muavini Emine Ceppar, qırımtatar halqı meselelerinden Ukraina Prezidentiniñ vekâletlisi Mustafa Cemilev, Milliy Meclis reisiniñ muavini İlmi Ümerov ve başqaları bulundı. 

Tedbir vaqtında Kreml mabüsleri destegine fleş-mob keçti — bulunğanlarnıñ episi olarnıñ portretlerinen plakatlar köterdi.

Bundan ğayrı, tarihçı Gülnara Bekirovanıñ "Mustafa.Liderniñ yolu" adlı kitap taqadim etildi. Kitap, HSN destegi ile derc etilgen.

Tedbirler "Qırım haber meydanınıñ deokupatsiya ve reintegratsiyası: Halqara-uquqiy ve mediakommunikativ aletler" degen Halqara ilmiy-ameliy konferentsiya çerçivesinde keçti.

Hatırlatamız, "Qırım.Hırsızlanğan yarımada" vesiqalı filmi martnıñ 5-nde halqara konferentsiya çerçivesinde Brüsselde Avropa Parlmentinde taqdim etildi.


Cedvel