Facebook Telegram Twitter Instagram YouTUBE


Baş saife  >  Derc  >  Haberler  >  19 Çiçek ayı 2019, 15:04

HSN: Kiyevde Qırımnıñ deokupatsiyası ve reintegratsiyasından konferentsiya keçti

2019 senesi aprelniñ 18-nde Taras Şevçenko adına Kiyev Milliy universitetiniñ Halqara munasebetler İnstitutında "Qırım haber meydanınıñ deokupatsiya ve reintegratsiyası: Halqara-uquqiy ve mediakommunikativ aletler" degen halqara ilmiy-ameliy konferentsiya keçti.

Tedbirde çıqış sözü ile Ukraina haber siyaseti Naziriniñ Birinci muavini Emine Ceppar muracaat etti.

"Bugün Qırımda aynı acayip manzaralarnı körebilesiñiz: Qara deñiz, yalılar ve dağlar. Amma başqa kerçek bar — insanlarnıñ aqqları bozula, olar repressiyalarğa oğratıla, siyasiy mabüsler, ealini deñiştirüv, etnik temelni bozmağa irişmeler, orduğa çağıruvlar, yarımadanıñ arbiyleştirüvi", - dep, qayd etti E.Ceppar.

Onıñ bildirgenine köre, HSN işğalci akimiyetniñ kerçekni deñiştirmege ve yañı aqiqatnı yaratmağa ıntıluvlarını nezaret ete. Tedbirde qırımtatar halqı meselelerinden Ukraina Prezidentiniñ Vekâletlisi Mustafa Cemilev, Halqara munasebetler institutınıñ müdiri Valeriy Köpiyka, kraina haber siyaseti Naziriniñ mesleatçısı Yuliya Kazdobina, Halqara munasebetler institutınıñ mediakomunikatsiya ve kommunikativ tehnologiyalar kafedrasınıñ müdiri Sergiy Danilenko, Milliy Meclis reisiniñ muavini İlmi Ümerov, İnstitut ocaları, alimler, uquqimayecileri ve ekspertler iştirak etti.

Konferentsiya çerçivesinde "Kreml mabüsleri" degen serginiñ açılışı ve "Qırım. Hırsızlanğan yarımada" vesiqalı filminiñ kösterişi ötkrildi.

Tedbir Ukraina haber siyaseti Nazirliginiñ destegi ile "Halqara uquqiy assotsiatsiya" cemaat teşkilâtı tarafında ötkerildi.


Cedvel