Facebook Telegram Twitter Instagram YouTUBE


Baş saife  >  Derc  >  Haberler  >  12 Çiçek ayı 2019, 16:04

HSN tasil leyhaları: Poltava aliy oquv yurtlarınıñ studentlerinen körüşüvler keçti

2019 senesi 9-11 aprel künleri Poltava aliy oquv yurtlarınıñ studetleri Ukraina haber siyaseti Naziriniñ mesleatçısı, Ukraina Qaramanı Volodımır Jemçugov ve Nazir muavini Dmıtro Zolotuhin ile körüştiler.

Tedbirler HSN-nen teşebbüs etilgen ve yaşlarnıñ milliy-patriotik terbiyelevine baqtırılğan "Kreml mabüsleri" degen tasil leyhası çerçivesinde keçti.

Aprelniñ 9-da V.Jemçugovnen D.Zolotuhin Yaroslav Mudrıy adına Milliy adliye ünivesitetiniñ Poltava adliye institutı esasında keçken matbuat konferentsiyasında iştirak ettiler. Bundan ğayrı, olar oquv yurtunıñ studentlerinen körüşip, qonuştılar.

Aprelniñ 10-da Poltava devlet agrar akademiyasınıñ studentlerinen körüşüv olıp keçti.

Aprelniñ 11-de Ukraina Qaramanı V.G.Korolenko adına Poltava milliy pedagogika universitetiniñ studentlerini ziyaret etti.

"Ümüt etem ki, şimdiden başlap Ukrainada olğan vaqialardan uzaq turmazsıñız. Siz — tek kelecegimiz degil, siz — memleketimizniñ bugünisiñiz. Planlaştırıñız, talil etiñiz, qarar çıqarıñız!", - dep, muracaat etti V.Jemçugov studentlerge.

Tedbirler vaqtında "Kreml mabüsleri" degen vesiqalı film taqdim etildi. Bu film HSN sımarışına  UA|TV tış yayınlavı telekanalınen yaratıldı.

D.Zolotuhin studentlerni HSN-niñ leyhası olğan "2014-2018 seneleri Ukrainağa qarşı mahsus informatsion operatsiyalarnıñ beyaz kitabı"nen tanış etti. Onıñ qayd etkenine köre, bu kitap — bu, rusiye mahsus hızmetleri ve siyasiy elitaları bütün dünya informatsion meydanınen nasıl etip idare etkeni aqqında çoq yıllıq közetüvniñ neticesidir.

Körüşüvlerniñ soñunda iştirakçilerge Nazirlikniñ destegi ile çıqarılğan informatsion materiallar tarqatıldı.


Cedvel