Facebook Telegram Twitter Instagram YouTUBE


Baş saife  >  Derc  >  Haberler  >  9 Çiçek ayı 2019, 13:04

HSN: "Ukrainağa qarşı mahsus operatsiyalar beyaz kitabı" Telükesizlik Hızmetinde taqdim etildi

2019 senesi aprelniñ 8-de Ukraina telükesizlik Hızmetiniñ Akademiyasında Ukraina haber siyaseti Nazirliginiñ leyhası - "2014-2018 seneleri Ukrainağa qarşı mahsus informatsion operatsiyalarınıñ beyaz kitabı"nıñ temsil tedbiri ve muzakere etilmesi keçti.

Akademiyanıñ Rektorı Sergiy Küdinov hayırlav sözlerinen çıqışta bulundı. O, Rusiye Federatsiyasınıñ Ukrainağa qarşı informatsion tecavuzı vaqtında leyhanıñ ömürge keçirilüv müimligini qayd etti.

Ukraina haber siyaseti Naziriniñ muavini Dmıtro Zolotuhin haber etkenine köre, "Beyaz kitapnıñ" yaratılması içün mahsus araştırma keçirildi. Anda Rusiye informatsion saada Ukraina vatandaşlarınıñ baqışlarını deñiştirmek içün nasıl idare etici aletlerni qullanğanı tasvir etile.

"Araştırma azırlanğanda işletilgen seriallar şekli Rusiye mahsus hızmetleriniñ ve siyasiy elitanıñ tesir etüv aletlerniñ taqdim etilmesinde eñ añlayışlıdır. Araştırmada rusiye propagandası şekli ve modeliniñ kontseptsiyası taqdim etilgen, bu model yardımınen yañı rusiye feyklerini tanımaq daa qolay", - dep, qayd etti o.

Tedbir iştirakçileri arasında ilmiy saa temsilcileri, kursantlar ve Ukraina telükesizlik hızmeti Akademiyasınıñ ocaları bar edi.


Cedvel