Facebook Telegram Twitter Instagram YouTUBE


Baş saife  >  Derc  >  Haberler  >  9 Çiçek ayı 2019, 10:04

HSN: Ekspertler Herson vilâyetiniñ informatsion saasında nezaret keçirdiler

"Telükesizlik studiyalarınıñ ukrain fundatsiyası"nıñ ekspertleri Ukraina haber siyaseti Nazirliginiñ destegi ile "Herson vilâyetiniñ informatsion saası: vaziyet, problemler ve vaziyetniñ eyileşüv yolları" degen analitik esabatnı azırladılar.

Ekspertler regionnıñ esas meselelerini qayd ettiler: belli bir strategiyanıñ olmaması ve onıñ ömürge keçirilmesi içün resurslarnıñ yetişmemezligi, işğal etilgen topraqlardan yayınlanğan rusiye televizion vastalarınıñ ve radiolarınıñ tesir etmeleri, vilâyette informatsion problemalarnıñ çezilmesinen oğraşqan strukturalarnıñ eksikligi.

Hersonda ve vilâyette büyük informatsion agentliklerniñ, umummilliy telekanallarnıñ ve gazetalarnıñ temsilcilikleri yoq derecede. "Vaziyet bu subyektlerniñ mühbiriyetler ve temsilciliklerge para masraf etmege istemegenlerinen (şu cümleden cografiya qurulışı ve uzaq region noqtalarınıñ irişilmemezligi), regionda yüz bergen vaqialarğa meraq kösterilmegeni kibi meselelernen qıyınlaşa", - denile esabatta.

Araştırma 2018 senesiniñ avgust-noyabr ayları devamında keçirilgen. Onıñ maqsadı — vilâyette informatsion boşluqnıñ vaziyetini qıymetlendirüv ve tevsiyeler işlep çıqarılması, olar arasında HSN içün informatsion-tesir etici köntentniñ yoq etilmesine baqtırılğan qısqa ve uzun müddetli tedbirlerniñ teşkil etilmesi.


Cedvel