Facebook Telegram Twitter Instagram YouTUBE


Baş saife  >  Derc  >  İlânlar  >  20 Saban ayı 2019, 17:03

Martnıñ 27-28 künleri HSN-nıñ "Kreml mabüsleri" leyhasınıñ çerçivesinde Rivne vilâyetiniñ studentlerinen körüşüvler keçecek

2019 senesi 27-28 mart künleri Rivne ve Ostrog şeerlerinde Ukraina haber siyaseti Naziriniñ mesleatçısı, Ukraina Qaramanı Volodımır Jemçugov yerli aliy oquv yurtlarınıñ studentlerinen körüşüvler keçirecek. Tedbirde Ukraina haber siyaseti Nazirliginiñ devlet kâtibi Artem Bidenko iştirak etecek.

Martnıñ 27-de körüşüv "Ostrozka akademiya" Milliy universitetinde keçecek. Tedbir saat 10.30-da, Seminarska, 2 adresi boyunca başlanacaq.

Martnıñ 28-de V.Jemçugov Rivne devlet gumanitar universitetiniñ studentlerinen körüşecek. Tadbir saat 11.00-de Plastova, 31 adresi boyunca keçirilecek. Bundan evel, saat 10:00-da yerli KHV içün matbuat konferentsiyası keçecek (409-cı oda).

Körüşüvler "açıq mikrofon" şeklinde keçecek — er bir talebe sual berip, muzakerede iştirak ete bilecek. Tedbir vaqtında talebelerge HSN sımarışına UA|TV tış yayınlavı telekanalınen çıqarılğan "Kreml mabüsleri" degen vesiqalı film taqdim etilecek.

Volodımır Jemçugov — rusiye tecavuzına qarşılıqnıñ iştirakçisi. 2014 senesi mayısnıñ 3-de — Lugansk vilâyetinde rusiye işğaline qarşı areketniñ teşkilâtçısı ve faal iştirakçisi. 2015 senesi sentâbrniñ 29-dan 2016 senesi sentâbrniñ 17-nece "LNR" boyevikleriniñ esirinde bulundı. Esirlikke patlav neticesinde yaralanğanı sebebinden tüşti. Ukraina ve çetelde devlet ve göñülliler tedbirleriniñ faal iştirakçisi, hususan, mektep talebeleri, kursantlar ve arbiylernen arbiy-patriotik lektsiyalar keçirdi.

   


Cedvel