Facebook Telegram Twitter Instagram YouTUBE


Baş saife  >  Derc  >  Haberler  >  18 Saban ayı 2019, 16:03

HSN tasil leyhaları çerçivesinde Mariupol oquv yurtlarınıñ studentlerinen körüşüvler keçti

2019 senesi 12-14 mart künleri Ukraina haber siyaseti Naziriniñ mesleatçısı, Ukraina Qaramanı Volodımır Jemçugov Mariupol şeerinde yerli aliy oquv yurtlarınıñ studentlerinen körüşüvler keçirdi.

Tedbirler HSN-nen teşebbüs etilgen "Kreml mabüsleri" tasil leyhasınıñ çerçivesinde keçti. Leyha yaşlarnıñ milliy-patriotik terbiyelervine baqtırılğan.

Martnıñ 12-de V.Jemçugov HSN-nıñ Qırım ve Donbas haber reintegratsiyası Sektorınıñ yolbaşçısı Viktor Litvinovnen Donetsk idare etüv devlet universitetiniñ esasında keçken matbuat konferentsiyasında iştirak etip, oquv yurtunıñ studentlerinen qonuştılar.

Martnıñ 13-de V.Jemçugov Odessa deñiz akademiyasınıñ Azaq deñiz institutınıñ kursantlarınen ve Mariupol devlet universitetiniñ studentlerinen de körüşti.

Martnıñ 14-de Ukraina Qaramanı Priazovye devlet tehnika universitetini ziyaret etti.

"Kerçekten de, memleketimizniñ kelecegine lâqayt qalmanıñızdan memnünim. Kimligiñiznen, Vatanıñıznen ve tamırlarıñıznen ğururlanmaq kereksiñiz. Mında nasıl etip yaşaycağıñıznıñ qararını tek siz çıqarasıñız. İlk-evelâ şahıs olğanıñıznen ğururlanğanıñıznı isteyim, ve bu aqqnı sizden kimse alamaz", - dep, muracaat etti V.Jemçugov studentlerge.

Tedbir vaqtında talebelerge HSN sımarışına UA|TV tış yayınlavı telekanalınen çıqarılğan "Kreml mabüsleri" degen vesiqalı film taqdim etildi.

Bundan ğayrı, körüşüvler çerçivesinde Ukraina haber siyaseti Naziriniñ muavini Dmıtro Zolotuhin studentlerge HSN-nıñ yañı leyhası olğan "2014-2018 seneleri Ukrainağa qarşı mahsus informatsion operatsiyalarnıñ Beyaz kitabı" degen neşriyatnı taqdim etti.


Cedvel