Facebook Telegram Twitter Instagram YouTUBE


Baş saife  >  Derc  >  Haberler  >  18 Saban ayı 2019, 10:03

HSN: UA|TV tış yayınlav telekanalı Belorussiyeda taqdim etildi

2019 senesi martnıñ 15-de Belorusiye Cumhuriyetindeki Ukraina Elçiliginde Ukraina tış yayınlavı Mültimedia platformasınıñ qısmı olğan UA|TV telekanalı taqdim etildi.  UA|TV telekanalı belorus kabel ağlarında bu sene mart ayında yayınlamağa başladı.

Tedbir vaqtında Ukraina haber siyaseti Nazirliginiñ devlet kâtibi Artem Bidenko qayd etkenine köre, UA|TV telekanalı halqara toplulıqqa baqtırılğan devlet kanalıdır.

"Telekanaldaki haberler açıq ve aqiqiydir. İnformatsion terkip dünyağa Ukraina aqqında aqiqatnı bildirmekke baqtırılğan", - dep, qayd etti HSN devlet kâtibi.

Tedbirde "Ukraina mültimedia platforması" devlet müessisesiniñ baş müdiri Lüdmıla Berezovska, Belorusiyede Ukraina elçisi İgor Kizim, Belorusiye Cumhuriyeti devlet organlarınıñ temsilcileri, diplomatlar, belorus grajdan faalleri, yerli, ukrain ve halqara KHV vekilleri, Belorusiyede ukrain toplulıqlarınıñ reberleri, belorus kabel operatorlarınıñ yolbaşçıları ve hadileri iştirak etti.

Bundan ğayrı, martnıñ 15-de ukrain delegatsiyası Belorusiye Cumhuriyetiniñ informatsiya Naziri Öleksandr Karlükeviçnen körüşüv keçti. Körüşüvde ukrain delegatsiyası kelecekte Ukraina ve Belorusiye Cumhuriyetiniñ informatsion ve KHV saalarında işbirlik perspektivalarını muzakere etti.


Cedvel