Facebook Telegram Twitter Instagram YouTUBE


Baş saife  >  Derc  >  Haberler  >  16 Saban ayı 2019, 11:03

E.Ceppar: RF "skitler altınınıñ" Kiyevge qaytarılması protsessini uzatmaq istey

2019 senesi martnıñ 15-de "Ükrinform" haber agentliginiñ matbuat merkezinde "Skitler altını" boyunca dava. Ukraina öz medeniy degenrliklerini nasıl qoruy" degen matbuat konferentsiyası keçti.

Tedbir vaqtında Ukraina haber siyaseti Naziriniñ Birinci muavini Emine Ceppar qayd etkenine köre, davada RF-niñ nazar noqtası onıñ Ukrainağa qarşı siyasetiniñ belgisidir.

"Rusiye içün — bu, kögnitiv cenk, narrativler cenkiniñ elementidir. Şimdi olar vatandaşlarına bu artefaktlar içün soñunace küreşkenini köstermek kerek.  Amma şunı añlamaq kerek ki, olarnıñ maqsadı - "skitler altınınıñ" Qırımğa qaytarılması degil, bunı yapmaq içün olarnıñ uquqiy temeli pek zayıftır. Olar sadece artefaktlarnıñ Kiyevge qaytarılmasını uzatmaq istey", - dep, qayd etti E.Ceppar.

Ukraina medeniyet Naziri Yevgen Nışçuk qayd etkenine köre, Ukraina bu işte soñunace küreşecek ve iç bir uzlaşmalarnı qabul etmecek..

"Toplam ne vaqıt Ukrainağa qaytacağını aytıp olamaymız, amma bu eksponatlar — Ukraina devletiniñ qıymetsiz hazinesi ve bizim ğururımız olğanı — iç bir zaman deñişmez", - dep, qayd etti o.

Matbuat konferentsiyasında Ukraina medeniyet Naziriniñ Birinci muavini Svitlana Fomenko ve Adliye Naziriniñ muavini Sergiy Petuhov iştirak ettiler.

Hatırlatamız, 2019 senesi martnıñ 11-de Ukraina haber siyaseti Naziriniñ Birinci muavini Emine Ceppar  Amsterdamnıñ Apelâtsiya mahkemesinde Ukrainanıñ Allarda Pirson Müzeyine — Amsterdam universitetiniñ (Felemenk Qırallığı) arheologik müzeyi - qarşı Ukrainağa "Qırım — Qara deñizde altın yarımada" ya da "Skitler altını" degen sergi eksponatlarınıñ Ukrainağa qaytarılması aqqında dava boyunca mahkeme oturuşuvı olıp keçti.

Apelâtsion mahkeme qararını 2019 senesi iyunniñ 11-de ilân etmek kerek. 2016 senesi dekabrniñ 14-de Amsterdamnıñ Bölge mahkemesi qırım müzeyleriniñ eksponatları Ukrainağa qaytarılmaq kerek olğanı aqqında qarar çıqardı. Qarar YÜNESKO beyannamesiniñ esasında çıqarıldı, oña binayen bediiy degerlikler olarnı bir müddet içün bergen mustaqil devletke qaytarılmalı.


Cedvel