Facebook Telegram Twitter Instagram YouTUBE


 

Baş saife  >  Derc  >  Haberler  >  14 Saban ayı 2019, 10:03

A.Bidenko münitsipal marketingten halqara konferentsiyada Ukraine NOW brendini taqdim etti

2019 senesi martnıñ 12-de Ukraina haber siyaseti Nazirliginiñ devlet kâtibi Artem Bidenko "Dünyada Ukrainanıñ yeri: münitsipal marketing ve brending" degen halqara konferentsiyada çıqışnen bulundı. Konferentsiya 12-13-ci martta Kiyevde keçti.

O, Ukrainanıñ yekâne brendi olğan Ukraine NOW brendini taqdim etip, onıñ halqara meydanda ileriletilmesinden tedbirler aqqında aytıp berdi.

"Ukraine NOW brendi Ükümetniñ emirine binayen, ukrain ükümet strukturalarınıñ episi kommunikatsiyalarında olmaq kerek", - dep, qayd etti HSN devlet kâtibi.

"Dünyada Ukrainanıñ yeri: münitsipal marketing ve brending" konferentsiyası Kanada münitsipalitetleriniñ Federatsiya Leyhası ve "Şeerlerniñ inkişafı içün işbirlik" degen Ukraina şeerleriniñ Asotsiatsiyasınen teşkil olundı. Bularnıñ episi Kanada tış işleri Nazirliginiñ destegi ile keçirile. Tedbirniñ maqsadı — brending ve marketing saasında bilgiler ve tecribenen paylaşuv.

Tedbirde icra akimiyeti organlarınıñ vekilleri, halqara ve ukrain ekspertler, teritoriyalar brendingi saasında çalışqan ukrain şeerler ve şirketlerniñ temsilcileri iştirak etti.


Cedvel