Facebook Telegram Twitter Instagram YouTUBE


Baş saife  >  Derc  >  Haberler  >  13 Saban ayı 2019, 10:03

HSN: Kiyevde T.Küzöniñ "Ukrainağa qarşı cenk" degen kitabı taqdim etildi

2019 senesi martnıñ 12-de Ukraina buhran media-merkezinde Kiyevde "Putinniñ Ukrainağa qarşı cenki: inqlâp, milletçilik ve kriminalitet" degen kitapnın  ukrain neşriyatı taqdim etildi. Bu kitap Ukrainağa qarşı Rusiye tecavuzınıñ ilk sebepleri ve hususiyetleri aqqında tarif ete.

Kitap Ukraina haber siyaseti Nazirliginiñ Şarq ihtiyacları ve dünyada Ukraina populârlaşması içün yerli neşriyatlarğa qol tutuv programması çerçivesinde bastırıldı.

"Bu kitap Şarqqa tüşmesi ve anda arbiy qısımlarda, medeniyet evlerinde ve universitetlerde irişimli olması, ingliz tilinde ise ukrain diplomatik müessiselerde taqdim etilmesi içün elimizden kelgenini yapamız", - dep, qayd etti HSN devlet kâtibi Artem Bidenko.

Bundan ğayrı, o, keçken sene programma çerçivesinde 175 neşriyat çıqarılğanını qayd etti, hususan, beş yüz biñge qadar nusha. Kitaplarnıñ çoqusı — Ukraina tarihı, şimdiki vaziyet, rusiye teşviqatınıñ mifleri ve onen küreş aqqındadır.

"Ukrainağa qarşı Putinniñ cenki" kitabınıñ müellifi — Taras Küzö, felsefe doktorı, "Kiyevo-Moğılânska akademiya" Milliy universitetiniñ politologiya kafedrasınıñ professorı, Cons Göpkins Universiteti yanında halqara araştırmalar Mektebiniñ ilmiy hadimi.

Kitap eki qısımdan ibaret. Birincisi Rusiye, Rusiye imperatorlığı ve SSSR vaqtında Ukrainanı nasıl qabul etkeni aqqındadır, böyle etip Putinniñ şimdiki siyaseti bu çizginiñ aman-aman devamı olğanı kösterile. Bundan ğayrı kitapta tarih vastasınen Donbassnıñ ve umumen cenübiy ve şarqiy Ukrainanıñ hususiyetleri aks etile. Ekinci qısım şimdiki vaqialarğa, olar arasında arbiy cinayetler ve insan aqqlarınıñ bozuluvlarına bağışlana.


Cedvel