Facebook Telegram Twitter Instagram YouTUBE


Baş saife  >  Derc  >  Haberler  >  11 Saban ayı 2019, 16:03

HSN: Kiyevde avropa-atlantik integratsiya köntekstinde informatsion telükesizlik muzakere etildi

2019 senesi martnıñ 11-de Ukraina haber siyaseti Naziriniñ muavini Dmıtro Zolotuhin "Avropa-atlantik integratsiya köntekstinde informatsion ve kibertelükesizlik" degen tögerek masada iştirak etti. Tögerek masa Ukraina Yuqarı Şurasınıñ tış işler meselelerinden Komitet Başlığınıñ teşebbüsi ile keçirildi.

Muzakerelerniñ iştirakçileri NATO ve AB standartları boyunca işançlı qoruv sistemasınıñ yaratılması ve Ukrainağa qarşı Rusiye Federatsiyasınıñ melez tecavuzına qarşılıq meselelerini muzakere ettiler.

Nazir muavini qayd etkenine köre, informatsion saada turğun ve tesirli telükesizlik mehanizmini qurmaq içün Rusiye Ukrainanı aşaytmaq içün qullanğan usullarnı diqqatqa almaq kerek. Zolotuhin er kesni "2014-2018 seneleri Ukrainanıñ mahsus informatsion operatsiyalarınıñ beyaz kitabı" degen neşriyatnı yüklemege çağırdı. Kitap Kremlniñ duşmanlıq narrativlerinen tanış etüv ve kelecekte olarnı nazarğa aluv maqsadınen HSN-nen yaratıldı.

Qayd etemiz, fevralniñ 12-de Beyaz kitapnıñ temsil tedbiri olıp keçti. Bir ay içinde HSN 260-tan ziyade bastırılğan nushalarnı tarqattı, elektron versiya ise aman-aman 700 kere yüklengen.


Cedvel