Facebook Telegram Twitter Instagram YouTUBE


Baş saife  >  Derc  >  Haberler  >  11 Saban ayı 2019, 15:03

E.Ceppar: RF "skitler altını" boyunca davanı kögnitiv cenk elementi olaraq işlete

2019 senesi martnıñ 11-de Ukraina haber siyaseti Naziriniñ Birinci muavini Emine Ceppar  Amsterdamnıñ Apelâtsiya mahkemesinde Ukrainanıñ Allarda Pirson Müzeyine — Amsterdam universitetiniñ (Felemenk Qırallığı) arheologik müzeyi - qarşı Ukrainağa "Qırım — Qara deñizde altın yarımada" ya da "Skitler altını" degen sergi eksponatlarınıñ Ukrainağa qaytarılması aqqında dava boyunca mahkeme oturuşuvında iştirak etti.

"Bu dava da melez cenkniñ klassikası oldı, mında da demokratik aletler idare etüv maqsadınen işletile. "Skitler altını" davası qırım müzeylerini nezaret etken rusiyeliler içün kögnitiv cenkniñ elementidir. Olar episi media haberlerinen qullanıp, "özünkiler" ve "adalet" içün küçlü küreşçiler süretini yaratalar. Olar öz uquqiy nazar noqtasınıñ zayıflığını añlap, başqa taktikanı seçeler. Bu taktikada olarnıñ "ğalebesi" artefaktlarnıñ Qırımğa qaytarılması ketişatı sozulmasınıñ faktı kibi qıymetlene", - dep, qayd etti E.Ceppar.

Tedbirde Ukraina medeniyet Naziri Yevgen Nışçuk, Ukraina adliye Naziriniñ muavini Sergiy Petuhov, Ukraina müzeyleriniñ hadileri ve mesleatçılar iştirak etti. 

Hatırlatamız, "skitler altını" kollektsiyası Qırımdan Amsterdam müzeyinde keçecek sergige daa işğalden evel çıqarıldı.

2016 senesi dekabrniñ 14-de Amsterdamnıñ Bölge mahkemesi qırım müzeyleriniñ eksponatları Ukrainağa qaytarılmaq kerek olğanı aqqında qarar çıqardı. Qarar YÜNESKO beyannamesiniñ esasında çıqarıldı, oña binayen bediiy degerlikler olarnı bir müddet içün bergen mustaqil devletke qaytarılmalı.

2017 senesi martnıñ 28-de Amsterdamnıñ apelâtsiya mahkemesi qırım müzeyleriniñ vekillerinden Amsterdam Bölge Mahkemesi qararına apelâtsiya aldı.


Cedvel