Facebook Telegram Twitter Instagram YouTUBE


Baş saife  >  Derc  >  Haberler  >  7 Saban ayı 2019, 16:03

Ecnebiy jurnalistlerniñ diqqatına!

2019 senesi martnıñ 31-de Ukraina Prezidenti saylavlarınıñ azırlanması ve keçirilmesi vaqtında ecnebiy KHV vekilleriniñ iş tertibi

1. Ukraina Prezidentiniñ saylavları vaqtında ecnebiy KHV çalışmaları içün qoşma ruhsetnameler ya da añlaşmalar kerekmey

2. Qayd etilüv tek Merkeziy saylav komissiyasında keirilecek tedbirler içün kerek. Daimiy akreditatsiya içün (2019 senesi martnıñ 31-de Ukraina Prezidentiniñ saylavlarına azırlav ve keçirilüv vaqtında) mahsus varaqalar yapılması içün Merkeziy saylav komissiyasınıñ Başlığı adına ariza yollamaq kerek. Ariza 01196, Kıyiv şeeri, Lesi Ukrayinki, 1 adresi boyunca yollanılmalı.

Ecnebiy KHV arizasında böyle maddeler qayd etile: ukrain, ingliz ve öz tilinde KHV-nıñ tolu serlevası; muarririyet adresi; Ukrainada mühbiriyet telefonları; yelektron adresi; jurnalist(ler)niñ ya da KHV hadiminiñ adı, soyadı.

Bundan ğayrı, ecnebiy KHV-de çalışqan jurnalistniñ arizası kerek Anda böyle maddeler qayd etile: adı, soyadı; adresi; telefon nomeri ve elektron adresi.

Bu arizalarğa pasport ve iş varaqasınıñ kopiyaları qoşula (muarririyet şeadetnamesi, jurnalistler birliginen berilgen vesiqa, pres-karta ya da başqası).

Karta yapılmasınıñ tezleştirilmesi içün skan şeklinde yapılğan kopiyanı Komissiya Kâtibiyetiniñ kütleviy haber vastalarınen bağ bölgesiniñ nevbetteki elektron adresine yollamaq mümkün: [email protected], [email protected], [email protected]

Kontakt şahıslar - Volodimir Vırva (telefon: 286-80-71) ve Ölena Tereşçuk (telefon: 256-82-80)

3. Saylav bölgelerinde KHV-nıñ çalışmaları içün akreditatsiya kerekmey. Kiriş muarririyet şeadetnamelerine köre yapıla, amma bir kütleviy haber vastası adından ekiden ziyade şahıs kirsetilmey.


Cedvel