Facebook Telegram Twitter Instagram YouTUBE


Baş saife  >  Derc  >  Haberler  >  6 Saban ayı 2019, 11:03

HSN gender musaviyliginden kampaniya çerçivesinde bir sıra seminarlar keçirdi

"Zenaatta er kes bir" kommunikatsion kampaniya çerçivesinde 2019 senesi fevral-mart ayları devamında avropalı jurnalistika standartları ve halq ögündeki kommunikatsiyalarda gender musaviyligi meselelerinden bir sıra seminarlar keçirildi. Seminarlar Ukraina haber siyaseti Nazirligi, Gender siyaset meselelerinden Ükümet vekâletlisi, İnsan aqqları, milliy azlıqlar ve halqara munasebetlerden Yuqarı Şura komiteti ve "Qadın-qızlar aqqlarınıñ qoruv ligası" cemaat teşkilâtı tarafından teşkil olundı.

Seminarlar vaqtında ukrain media ve reklama alanlarında diskriminatsiya ve seksizm misalleri baqıldı, gender teñligi saasında qanuniyet esasları ve mediada diskriminatsiyağa qarşılıq mehanizmleri muzakere etildi.

Oqutuv seminarları "Kiyevo-Mogılânska akademiya" Milliy universitetinde, M.P.Dragomanov adına Milliy Pedagogika universitetinde ve Taras Şevçenko adına Kiyev millits universitetiniñ Halqara munasebetler İnstitutında keçti. Tedbirlerge oquv yurtlarınıñ gumanitar bölümlerinde oquğan ve çalışqan 200-ge yaqın student ve oca qoşuldı.

Oqutuv tedbirlerini Gender siyaseti meselelerinden Ükümet vekâletlisi Katerına Levçenko, Ukraina halq deputatı İrına Suslova, mediaekspert Öleksandra Golub ve HSN vekilleri Lüdmıla Vasılenkonen İllâ Udovıçenko keçirecekler.

HSN-niñ avropa integratsiyası meselelerinden sektor başlığı olğan L.Vasılenkonıñ sözlerine köre, tamam gumanitar yönelişte tasil alğan yaşlarnen ve studentlernen çalışmalar mediada ve halq ögündeki kommunikatsiyalarda diskrimanatsiyanı yeñüv printsipleri şekillenmesiniñ esas noqtasıdır.


Cedvel