Facebook Telegram Twitter Instagram YouTUBE


Baş saife  >  Derc  >  Haberler  >  5 Saban ayı 2019, 17:03

E.Ceppar Avropa parlamentinde: RF, dünya onıñ Qırımda yapqan cinayetleri aqqında bilmemesini istey

2019 senesi martnıñ 5-de Belçikadaki Brüsselde, Avropa parlamentinde Rusiye Qırımnı işğal etmesiniñ 5 yıllığı sebebinden "Qırım. Hırsıhlanğan yarımada" adlı konferentsiya keçti.

"Rusiye, dünya onıñ Qırımda yapqan cinayetleri aqqında kerçekni bilmesini istemey. Putinniñ tecavuziy siyasetini diqqattan ayırmamalımız", - dep, qayd etti tedbir vaqtınla Ukraina haber siyaseti Naziriniñ Birinci muavini Emine Ceppar.

Onıñ sözlerine köre, Qırımnıñ azat etilmesi içün sistematik platforma yaratılmalı.

"AB Qırım mevzusınıñ siyasiy kün tertibinde olması içün mahsus formatnıñ araştırmalarına qoşulmaq kerek. AB-niñ Qırım meselelerinden muhsus yemsilcisi tamam böyle alet olabile", - dep, qoştı E.Ceppar.

Öz nevbetinde AB yanındaki Ukraina Temsilciliginiñ başlığı Mıkola Toçıtskıy bildirgenine köre, tek dünya tesiri ve sanktsiyaları Rusiyeniñ Qırımda insan aqqlarını bozmasını ve işğalge qarşı çıqqan insanlarnıñ taqhip etilmesini toqtatabile.

Tedbirde Anna Fotiga, Mark Demesmaker, Çarlz Tennok ve Avropa parlamentiniñ başqa deputatları, ekspertler ve uquqimayecileri iştirak etti.

Bundan ğayrı, Brüsselde HSN çımarışına çıqarılğan "Qırım. Hırsızlanğan yarımada" degen vesiqalı film taqdim etildi.


Cedvel