Facebook Telegram Twitter Instagram YouTUBE


 

Baş saife  >  Derc  >  Haberler  >  1 Saban ayı 2019, 16:03

HSN 2018 senesi faaliyeti boyunca esabat berdi

2019 senesi martnıñ 1-de Ukraina Nazirler Kabinetiniñ matbuat merkezinde Ukraina haber siyaseti Nazirliginiñ reberligi, 2018 senesi faaliyetiniñ neticeleri boyunca esabat berüv matbuat konferentsiyası keçti.

"Nazirlik açıqlıq ve esabatlıq printsipleri boyunca çalışa. Onıñ içün, yapqan işimiz boyunca er yıllıq esabatımıznı taqlim etmege isteymiz", - dep, qayd etti Ukraina haber siyaseti Naziriniñ Birinci muavini Emine Ceppar.

O, Qırım ve Donbassnıñ haber reintegratsiyası ve Avropa integratsiyası saasında HSN işi boyunca faaliyet aqqında aytıp berdi. Esas neticeler arasında Emine Ceppar eki esas vesiqanıñ qabul etilmesi aqqında — Qırım haber reintegratsiyasının ve Donbas haber reintegratsiyasınıñ qabul etilmesi, işğal etilgen topraqlarda bir sıra ukrain kanalları ve radiostantsiyalarınıñ yañartılması ve Ukraina, dünya ve ilhaq etilgen territoriyalarğa baqtırılğan esas kommunikatsion kampaniyalar aqqında aytıp berdi.

Ukraina haber siyaseti Naziriniñ muavini Dmıtro Zolotuhin HSN İnformatsion telükesizlik mezebininiñ qabul etilmesi saasında yapqan areketleri, strategik ve buhran kommunikatsiyalar sistemasınıñ qurulışı yönelişinde yapılğan işler aqqında aytıp berdi. Bundan ğayrı, o, qayd etkenine köre,  Facebook şirketiniñ ofisi ile dialog qurulması sayesinde Ukraina devlet organlarınıñ saifelerini verifikatsiya yapıldı, böyleliknen, dezinformatsiyağa qarşılıq kösterüvi qolaylaştırıldı.

HSN-niñ devlet kâtibi Artem Bidenko 2018 senesi esas irişmelerden birisi -  Ukraine NOW brendiniñ qabul etilmesi ve onıñ halqara meydanda faal şekilde ileriletilmesi — dep, qayd etti. Bundan ğayrı, o, Ukraina tarihınıñ müim künlerine bağışlanğan 50-den ziyade informatsion kampaniyalarnıñ keçirilmesini, islâatlar kirsetilmesini ve ordu populârlaşmasını, çetelde ve kiçik Ukraina şeerlerinde patriotik ukrain kinosınıñ kösterişlerini, sıñırğa yaqın 7 şeerde keçken "Tvoya Krayina fest" ukrain muzıka festivalini, "Ukrayinskı amazonkı" etnokosterişlerini ve başqalarını qayd etti. Esabatnıñ tolu mündericesini Ukraina haber siyaseti Nazirliginiñ resmiy saifesinde oqumaq mümkün.


Cedvel