Facebook Telegram Twitter Instagram YouTUBE


 

Baş saife  >  Derc  >  Haberler  >  1 Saban ayı 2019, 10:03

HSN ecnebiyler içün ukrain tilini ögrenüvden "Speak Ukrainian" degen saytnı taqdim etti

2019 senesi fevralniñ 28-de saat Ukraina tış işler Nazirligi yanında Diplomatik akademiyada ecnebiyler içün ukrain tili ögrenilmesinden "Speak Ukrainian" degen saytnıñ temsil tedbiri sebebinden diplomatik qabul etilüv keçti.

"Dünya dijital şekilde keçe, tezleşe. Ve, elbette, ukrain tilini o tendentsiyalarğa binayen taqdim etmek kerekmiz. Onıñ içün ukrain tilini onlayn şekilde ögrenmege yardım etken leyhağa qol tutmağa qarar berdik. Eminim, bu sayt çoq insanlarğa faydalı olur, em Ukrainada, em de çetelde", - dep qayd etti Ukraina haber siyaseti Naziriliginiñ devlet kâtibi Artem Bidenko.

Ukraina tış işler halq ögündeki diplomatiya İdaresiniñ başlığı Sergiy Ustımenko qayd etkenine köre, tış siyaseti müessisesi çetelde Ukraina diplomatik temsilcilikleri vastasınen sayt aqqında malümatnı maksilma şekilde tarqatmaqnen bağlı bütün mesülietni özüne ala.

Tedbirge devletniñ yuqarı reberleri, elçiliklerniñ ve Ukrainada diplomatik missiyalarnıñ temsilcileri, tasil müessiseleriniñ ve bu mahsulnıñ işletilmesinde ihtiyac duyğan teşkilâtlarnıñ vekilleri davet etilgen. 

Qayd etemiz, sayt 2018 senesi Ukraina haber siyaseti Nazirliginiñ sımarışına ve Ukraina Prezidentiniñ ukrain tili devlet statusınıñ quvetleşmesi boyunca acele tedbirler aqqında Emiriniñ becerilmesine yaratıldı.


Cedvel