Facebook Telegram Twitter Instagram YouTUBE


Baş saife  >  Derc  >  Haberler  >  27 Kiçik ay 2019, 18:02

HSN: Kiyevde "İşğal etilgen Qırım: 5 yıllıq qarşılıq kösterüv" V Halqara forum keçti

2019 senesi fevralniñ 27-de Kiyevdeki Sanat Arsenalında Ukraina haber siyaseti Nazirliginen teşkil etilgen "İşğal etilgen Qırım: 5 yıllıq qarşılıq" V Halqara forum keçti.

Tedbirniñ iştirakçilerine kiriş sözünen Ukraina Baş-Naziri Volodımır Groysman ve Ukraina meselelerinden AQŞ Devlet departamentiniñ  Mahsus temsilcisi Kurt Volker muracaatnen bulundılar.

Forum çerçivesinde üç panel munaqaşa keçti, bu munaqaşalar vaqtında  Qırımnıñ qaytarılması içün milliy ve halqara küreş aletleri muzakere etildi, ondan ğayrı, ilhaq etilgen yarımadada insan aqqlarınıñ bozulmasına diqqat celp etmek içün uquqimaye saasında munaqaşa keçirildi.

Birinci, milliy panelni Ukraina haber siyaseti Naziriniñ Birinci muavini Emine Ceppar alıp bardı. Munaqaşada Ukraina medeniyet Naziri Yevgen Nışçuk, Vaqtınca ilhaq etilgen topraqlar ve içki yerleşken şahıslar meselelerinden Nazir muavini Yusuf Kürkçi, Ukraina tasil ve ilim Naziriniñ Birinci muavini Pavlo Hobzey, Tış işler Naziriniñ muavini VasılBodnar, Ukraina adliye Naziriniñ avropa integratsiyası meselelerinden muavini Sergiy Petuhov, Milliy Meclis reisi Refat Çubarov, Qırım Muhtar Cumhuriyetiniñ prokurorı Gündüz Mamedov ve Milliy strategik araştırma institutınıñ Müdiri Rostislav Pavlenko iştirak ettiler.

İştirakçiler Qırım deokupatsiyası boyunca devlet siyasetiniñ yönelişini ve ilhaq etilgen territoriyalarda Ukraina vatandaşlarınen bağ saqlanılmasından kerekli devlet areketlerini muzakere ettiler.

Forumnıñ halqara paneligi uquqimeci, "Tsentr gromadânskıy svobod" uquqimaye teşkilâtınıñ başlığı Öleksandra Matviyçuk alıp bardı. Munaqaşalar çerçivesinde Avropa parlamentiniñ deputatı Rebekka Harms, Ukrainada NATO Temsilciliginiñ Başlığı Aleksandr Vinnikov, Latviya Cumhuriyeti Seyminiñ tış işler meselelerinden Komitet Başlığı Rihard Kols, Litvaniya Cumhuriyeti Seyminiñ azası Emaneulis Zingeris ve Ukrainada Türkiye Cumhuriyetiniñ Müteşşem ve Vekâletli Elçisi Yagmur Ahmet Güldere Ukrainanıñ territorial bütünligine qol tutqanlarını bildirip, Avropa ve Avropa atlantik toplulıq adından Qırımnıñ qanunsız ilhaq etilmesini takbih ettiler.

Üçünci, uquqimaye panelini jurnalist Andriy Külikov alıp bardı. Bu panelde Ukrainaa insan aqqlarından BMT nezaret missiyasınıñ Başlığı Fiona Freyzer, Milliy Meclis reisiniñ muavini Ahtem Çiygoz, Milliy Meclis azası Eskerder Bariyev, İnsan aqqlarından Ukraina cemaat birleşmesiniñ yuristler içün tasil programmalarınıñ koordinatorı Darya Sviridova, adliyeci ve uquqimayeci Emil Kürbedinov, uquqimayeci ve "KrımSOS" esasçısı Tamila Taşeva ve rusiye adliyecisi Mıkola Polozov iştirak ettiler.


Cedvel