Facebook Telegram Twitter Instagram YouTUBE


 

Baş saife  >  Derc  >  Haberler  >  26 Kiçik ay 2019, 15:02

HSN: Qırım qarşılığı Kününe "Acayip Qırım ikâyeleri" degen sergi açılmaqta

2019 senesti fevralniñ Sanat arsenalında "Acayip Qırım ikâyeleri" degen sergi açılacağı sebebinden matbuat konferentsiyası keçirilecek. Tedbir Ukraina haber siyaseti ve Ukraina medeniyet Nazirliginiñ destegi ile rusiye işğaline Qırım qarşılığı kösterüvi Kününe teşkil etilgen.

"26-ci fevral — Qırımda yaşağanlar ve yaşamağa devam etkenlerniñ çoqusı içün timsal künüdir. Bu künü işğalci, "Rusiyege sıñırsız sevgi" aqqında mif ep bir yoq olacağını körecek. "Acayip Qırım ikâyeleri" sergisi — bu, ilhaq etilgen yarımadanen bağlı olğan inanlarnıñ şahsiy ikâyesidir. Bu, Qırım biz içün ne olğanı aqqındadır", - dep, qayd etti tedbir vaqtında Ukraina haber siyaseti Naziriniñ Birinci muavini Emine Ceppar.

Medeniyet Nazirininh Birinci muavini Svitlana Fomenko qayd etkenine köre, sanat komponentinden ğayrı, serginiñ daa bir vazifesi bar — ukrain cemiyetiniñ ve halqara toplulıqnıñ diqqatını ilhaq etilgen Qırımda olğan vaqialarğa cel ettirmek.

Sergide 15 ukrain müzeyden ve şahsiy kollektsiyadardan eksponatlar taqdim etilgen, olar Qırımnı unikal yekâne ve çoq medeniyeti olğan meydan olaraq,  Ukraina medeniy zengin hazinesiniñ ayrılmaz qısmı olaraq köstereler. 

"Bu sergi çeşit insanlar içün meraqlı olması biz içün pek müimdir. Balalar içün, meselâ, interaktiv zonalar bar, anda olar oynap, foto çekebileler, yañı bir şeyler ögrenebileler. Bu sergini eñ kiçik musafirimiz içün bile añlayışlı ve meraqlı etmege tırıştıq. Tamam şu sebepten biz oña yaraşıq büyük tasil programma azırladıq", - dep aytıp berdi Sanat arsenalınıñ müdiri Öles Ostrovska-Lüta.

Mahsus sergi içün ressam Mariya Külikovska "Zorânıy post" degen perfomativ eykelni yaratqan. Demir, terek, türlü topraq çeşitleri, faydalı qazımtılar, taş toprağı, qum, deñiz tuzı ve başqa materiallarnıñ yardımı ile ressam Keriç yarımadası haritasınıñ interpritatsiyasını azırlağan.

Sanat arsenalında sergi 2019 senesi fevralniñ 26-dan mayısnıñ 5-nece keçecek, fevral 26-27 künleri kiriş serbest olacaq.


Cedvel