Facebook Telegram Twitter Instagram YouTUBE


 

Baş saife  >  Derc  >  Haberler  >  26 Kiçik ay 2019, 13:02

HSN tasil leyhaları: V.Jemçugov "İgor Sikorskıy adına KPİ" studentlerinen körüşüv keçirdi

2019 senesi fevralniñ 22-de Ukraina haber siyaseti Naziriniñ mesleatçısı, Ukraina Qaramanı Volodımır Jemçugov "Kiyev politehnik institutı" Milliy Ukraina tehnika universitetiniñ Neşir-poligrafiya institutı studentlerinen körüşti.  Körüşüv HSN-nen teşebbüs etilgen "Kreml mabüsleri" tasil leyhasınıñ çerçivesinde keçti. Leyha yaşlarnıñ milliy-patriotik terbiyelevine baqtırılğan.

Rusiye Ukrainanen soñki beş yıl degil de, mustaqilligimiz devamında küreşini alıp bara. Hususan, Kreml informatsion qısımğa büyük diqqat ayıra, daima aqiqatnı bozıp, fekler yarata Onıñ içün epiñizni malümatnı teşkermege, ilk menbaalarnı qıdırmağa ve insanlarnen qonuşmağa, ondan soñ ise şahsiy neticelerni çıqarmağa çağıram", - dep, muracaat etti studentlerge V.Jemçugov.

Bundan ğayrı, tedbirde Milliy Meclis reisiniñ muavini İlmi Ümerov iştirak etti.

Körüşüv vaqtında studetlerge "Kreml mabüsleri" degen vesiqalı film taqdim etildi. Film HSN sımarışına  UA|TV tış yayınlavı telekanalınen yaratıldı. Tedbirniñ soñunda iştirakçilerge Nazirlik desteginen bastırılğan informatsion materiallar tarqatıldı. Hatırlatamız, dekabrniñ 19-da V.Jemçugov Vadım Getman adına Kiyev milliy iqtisadiy universitetiniñ studentlerinen körüşken edi.


Cedvel